TOKA MBINGUNI NA MAPENDO / FROM HEAVEN WITH LOVE

Photo taken by B Smith from the Kitchen Door

 

TOKA MBINGUNI NA MAPENDO 

 FROM HEAVEN WITH LOVE

 December 23, 1979

 Pastor Henry F. Kulp 

Asubui ya leo tunataka kuchunguza kwa makini sana aya moja ya muhimu na ya manufaa kweli, ni aya ya kumi na ine ya Yoane 1.  Kwa njia ya aya hii tutafahamu makusudi, shabaa na umuhimu wa sherehe ya Noeli. 

Katika aya hii, mambo yote yanaoneshwa wazi wazi.  

Watu wengi wanasherekea siku kuu ya Noeli bila kufahamu maana ya siku kuu hiyo na kwa nini kuisherekea. 

Yoane 1: 11 - 14  

“Alikuja kwake, nao walio wake hawakumpokea; 

Lakini wote ambao walimpokea aliwapa uwezo wa kuwa watoto wa Mungu, ndio wale walioamini Jina lake. 

Waliozaliwa, si kwa damu, wala si kwa mapenzi ya mwili; wala si kwa mapenzi ya mtu, lakini kwa Mungu. 

Na Neno alifanyika mwili, akakaa kwetu, tukatazama utukufu wake, utukufu kama wa Mwana pekee akitoka kwa Baba, amejaa neema na kweli.” 

1/ Katika Aya hii ya 14, tunapata Tamko tatu.

Ujumbe tatu tofauti kuhusu Bwana Yesu KRISTO katika hali yake ya mtu kweli, hapa chini duniani.

Ya kwanza ni: 

UKWELI WA JAMBO LA KUVAA MWILI: 

Na Neno alifanyika mwili.    

Ya pili: 

KUSUDI LA KUVAA MWILI: 

Akakaa kwetu, tukatazama utukufu wake, utukufu kama wa Mwana pekee akitoka kwa Baba,  

Ya tatu: 

TABIA YA UMTU WAKE: 

Amejaa neema na kweli. 

Tutajifunza kwa makini sana hizo Tamko tatu ili tuvumbue ufunuo unaokuwa ndani. 

2/ Sisi tumebarikiwa na kweli, tunabahati nzuri kufahamu maneno haya ya muhimu na ya musingi inayo tufundisha kusudi ya Bwana wetu Yesu Kristo kuchukuwa mwili na nyama ya kibinadamu.

Wakati watu bado wangali mbali hawaja onja Yesu, wengi wao hawapendi kusikia hata neno moja kuhusu KRISTO, lakini baadaye wao wanageuka wenye kupendelea kushirikiana naye.  

Jambo hili halifurahishi Bwana Yesu, tena jambo hili ni mbovu sana kwa watu wale. 

Mhadhiri mmoja mupagani alipo maliza kutoa hutuba yake mbele ya umati wa watu, akafanya mwito akisema: yeyote ule anayekuwa na ulizo apite mbele kwa jukwaa na aulize ulizo lake. Watu wakabaki kimya kwa muda fulani. 

Kiisha punde kidogo, mtu mmoja anayejulikana mlevi wa hali ya juu kwa watu wote wa eneo lile, lakini aliyeokoka baadaye, akashimama na kujielekeza mbele, kiisha akapanda kwenye majukwaa, akatwaa machungwa iliokuwa katika mufoko wake wa suruali akaanza kuumenya. Hasira ikamshika huyo Mhadhiri,   akamuhamakia akisema: ndugu leta ulizo lako kwa haraka. 

Huyu mtu mlevi hakumujibu neno, wala kujali naye, akaendelea kumenya machungwa yake.

Alipo maliza kuondoa maganda, akala machungwa yake, alipomaliza yote nzima akageuka sasa upande wa huyu Mhadhiri mupagani akamwuliza eti: “machungwa hii ilikuwa sukari sana?”  

Huyu Mhadhiri akakasirika akamwambia, “wewe mupumbafu, ulizo gani lile la ujinga mno, namna gani ninaweza kutambuwa kama machungwa yako ilikuwa sukari ama chungu na mimi sikuonja hata kidogo?” 

Kwa hayo matusi, huyu mlevi naye akajibu huyo mtu aliyekuwa anatoa hutuba akimwambia: 

Ewe Mhadhiri, “namna gani wewe waweza kufahamu neno lolote juu ya KRISTO na wewe bado kumuonja?” 

3/ Tuchunguze sasa Tamko la kwanza:

NA NENO ALIFANYIKA MWILI. 

Hakuna msemwa ulioandikwa kwa namna ya mushangazo na maajabu kama hii msemwa inayokuwa kwa mwanzo ya Aya hii ya kumi na ine, sawa vile tunaweza pia kusoma kwa aya ya kwanza na aya ya kumi na ine. 

Tunaweza kuisoma kama ifwatavyo: 

Katika mwanzo alikuwa Neno, na tunaruka hapo chini, na Neno alifanyika mwili.

Na hapo tuna mabano inayojifungua kwa aya ya 2 na kujifunga kwa aya ya 13. 

4/ Neno ni katika Swahili kwa Kigriki ni LOGOS, na inamaanisha:  HOTUBA YENYE KUSEMWA NA KINYWA. 

Ni aina ya mazungumuzo kati ya watu wawili. 

Tunatambua ya kwamba, tunapozungumuza kuhusu    LOGOS, inamaanisha kwamba tunazungumuza kuhusu YESU KRISTO anayekuwa Hotuba ya Mungu ama mjadala kwa watu. 

Tunaweza kumbuka maandiko ya Ufunuo 22: 13, inayosema: 

“Mimi ni Alfa na Omega, mwanzo na mwisho, wa kwanza na wa mwisho.” 

Alpha ni herufi ya kwanza katika alfabeti ya Kigriki na Omega ni herufi ya mwisho. 

Ni kusema YESU KRISTO ni HOTUBA ya MUNGU. 

5/ Na Mungu anajifunua MWENYEWE kwetu kwa njia ya YESU KRISTO. 

6/ KRISTO ni Hotuba ya mwisho ya Mwenyezi Mungu kwa Wanadamu.

Hakutakuwa tena ingine Hotuba toka kwa Mungu. Haitawezekana. 

7/ Tufafanue Yoane 1: 1  

Katika mwanzo alikuwa Neno. 

Tunaona hapa kwamba tendo “alikuwa” ni katika Mifano ya nyakati: Wakati Uliopita. Inamaanisha siku za nyuma za Wakati wa Mazoea. 

Hiyo inamaanisha nini? 

Katika Mifano ya Nyakati katika Swahili, tendo kamili lililo fanyika siku zilizopita kwa namna ya Mazoea katika Nyakati za nyuma, ndio nyakati inayo tumikishwa hapa, lakini linalo hitajika zaidi ni namna ya kuonesha nyakati za nyuma zinazoendelea katika lugha ya Kigriki.  

Na ni tendo la Kigriki lenye kuwa sawa china ya tendo “alikuwa” ndilo linaloleta mwangaza na maana kamili ya tendo lenye Mutume Yoane alitumikisha hapa. 

Na inamaanisha nyakati yenye ilikuwa mbele ya viumbe yote.

Nikusema, hiyo LOGOS, ama hiyo NENO ilikuweko mbele Mwenyezi Mungu hajaumba chochote kile. 

Na hii ingetafsiriwa hivi: 

Na katika mwanzo wakati hakujakuweko mwanzo yoyote.

Katika umilele uliopita, Neno lilikuweko. 

Hii inaonesha Umilele wa Yesu Kristo. 

Yesu Kristo anaishi Milele. 

8/ Tushuke sasa chini ili tucheue aya ya 14, tunasoma: 

Na Neno alifanyika mwili, 

Mwili ni kitu chenye umbo unaokuwa na mipaka yake, lakini hapa mastaajabu  ni kwamba kitu kisichokuwa na mipaka ama umbo, kinakuwa na umbo lenye mipaka na kona zake na ni hii inayoshinda ufahamu wetu.

Tunashindwa kufahamu namna gani tendo hili liliweza kufanyika. 

Bali tunaiamini na kuisadiki sababu ni Mwenyezi Mungu anayesema. 

Mara kwa mara ninajiuliza kama kwa kweli watu wanafahamu kwamba hapa chini duniani tunayo maswali mengi yasiyokuwa na majibu na horoza yake ni zaidi sana kupita maswali yenye ufahamu wetu unaweza kupata jibu ama kutafakari.  

 

9/ Tuchunguze pamoja tendo: “alifanyika” 

Mara tena tunapata matatizo kidogo na Mifano ya Nyakati.

Itakuwa vigumu kupana tafsiri kamili ya tendo hii katika Swahili. 

Kwa sababu tendo “alifanyika” liko katika sarufi ya usemi ya sentensi yenye kumaanisha kwamba kuna yule anayetenda tendo na pia kuna watazamaji ama tendo la kufanyika kuwa na, umalimbali na hayo, katika kigriki china la tendo lile ni katika nyakati ya katikati. 

Kama ingelikuwa katika nyakati na hali ya kufanyika kuwa na, ingemaanisha kwamba huyu anayefanyika kuwa na, hana nguvu yeyote ya kibinafsi kwa kukamilisha tendo lile.

Ni nguvu ya ufungaji. 

Lakani nyakati ama hali ya katikati, inamaanisha kwamba huyu Neno naye vilevile aliona mafaa ya kufanyika kwa tendo lile, kwa kutoka kwa hali ya Neno na kufanyika kuwa Mwili. 

Tendo hili lilifanyika kwa kutaka kwa Neno, kwa Nguvu na Uwezo wa Neno na kwa Nguvu ya Ufungaji wa Neno. 

Inamaanisha: KUGEUKA KUWA, ama KUANZA KUWA, yaani:  kugeuka mwili.  

Logos yenye haina Mwili, inavaa nyama.

YEYE mwenye hapo kale alikuwa haonekane na mecho, sasa anaweza kuonekana na mecho ya watu. 

10/ Tendo lenye kuwa kwa china ya tendo “alifanyika” halipashwi kukamatwa katika maana ya musingi tu yenye kumaanisha kama Neno alivaa mwili kama vile sisi tunavyokamata nguo na kuivaa. 

Hapa ni mfano wa kuundwa kwa. 

Siyo kuvaa nguo yenye hakuwa nayo mbele. 

Bali YEYE MWENYEWE alijiumba kwa hali lenye hakuwa mbele. 

Ni hiyo sababisha kuzaliwa kwake na Bikira. 

Tunafahamu ya kwamba YEYE MUUMBAJI wa Vyote Alijiumbia Mwili wa kufanana na huu wetu, lakini pasipo zambi. 

Sisi hatuwezi kuumba hata seli moja ndogo yenye uhai na uwezo wa kuishi bila musaada wa kulelewa. 

11/ Sababu gani Mutume Yoane alitumia neno “mwili” pahali pa neno lingine? 

Sababu gani hakutumia kwa mfano neno maumbile? 

Ni kwa sababu KRISTO alikuja kufa na kwa kufa Alipashwa kumwanga Damu yake kama vile uzima wa nyama unaokuwa ndani ya damu. 

Walawi 17: 11  

“Kwa kuwa uhai wa mwili  ni katika damu; na nimewapa ninyi damu hii juu ya mazabahu ili kufanya upatanisho kwa ajili ya nafsi zenu; kwa maana ni damu inayofanya upatanisho kwa ajili ya nafsi.” 

KRISTO alikuja ili afe, lakini kumbuka kwa kupata mwili wa nyama, Alijiumbia YEYE MWENYEWE Mwili. Na Yeye aliendelea kuwa Mungu kweli na Mutu kweli. 

1 Yoane 5: 20  

“Nasi tunajua kwamba Mwana wa Mungu amekwisha kuja, naye ametupa sisi akili ili tumjue yeye aliye wa kweli, nasi tuko ndani yake yeye aliye wa kweli, ndani ya Mwana wake Yesu Kristo. Huyo ndiye Mungu wa Kweli, na Uzima wa milele.” 

Hapa Mutume Yoane anazungumuza kuhusu Mwana, yule LOGOS. 

Na alisema: 

Huyo ndiye MUNGU wa Kweli, na Uzima wa Milele. 

12/ Tuchunguze sasa Tamko la pili. 

Akakaa kwetu. 

Ili ndilo kusudi la kujiumbia mwili. 

Kitu cha mastaajabu sana na cha kigeni ni kwamba hata kufikia kiwango chake cha kujiumba mwili, viumbe alivyoviumba vinaendelea tu kumuchukia. 

Ingelikuwa heri tutambue ya kwamba: 

Yeye alikuja kuishi katikati ya maadui wake, na hii ndiyo inaonesha kweli UMUNGU wake, sababu hakuna mwanadamu mwenye anaweza kuwa hata na wazo ya kuishi katikati ya maadui wake.

Bali ni hiyo Bwana Yesu Kristo alilolifanya. 

13/ Tuchunguze neno “Kukaa”  

Ni neno la muhimu sana katika Kigriki. 

Tendo lile lina msingi wake toka neno la Kigriki: SKAY’ – NOS maana yake: Alijenga hema lake,na hii inaonesha kukaa kwa muda kitambo, siyo makao ya kudumu. 

Tutafute katika Biblia na tuangalie mahali pengine tunapoweza kupata neno lilelile. 

2 Wakorinto 5: 1 

“Kwa maana tunajuwa ya kama nyumba ya dunia ya hema yetu ikibomolewa, tuna jengo linalotoka kwa Mungu, nyumba isiyofanywa kwa mikono, iliyo ya milele katika mbingu.” 

Neno tunalo hapa ni hema ama kibanda. 

Makao ya muda, na kwa kweli mwili wetu ni kao la muda, na mwili huu hautosheki kwa muda wote wa maisha yetu. 

14/ Neno hili la Kigriki, hema ama kibanda, linatumikishwa sawa makao kwa watu wa kuhamahama, ama wa nomad, na kwa waaskari. 

Shabaa ya Bwana Yesu Kristo haikuwa kuja hapa chini duniani na kuishi kwa muda murefu sawasawa na mapenzi yake,ama kuja kubaki hapa na kudumu. 

Kama angelitaka, Angeliishi muda murefu zaidi ya hiyo kipande fupi cha miaka 33, lakini Yeye hakufanya hivyo. 

Yeye alikuwa hapa kwa muda mfupi tu kama vile inavyokuwa maana ya tendo kukaa katika Kigriki.

Hiyo ndiyo ilikuwa kusudi la KRISTO. 

15/ Wakati Bwana Yesu alifufuka toka kaburi, Alijiumbia na Kujivalisha Mwili ungine Mupya wa Ufufuko na Mwili huo ulikuwa wa Kipekee na Usioharibika ama Usioweza kufa. 

Ni muhimu sana kufahamu vile.  

Mwili aliyokamata Yeye peke wakati alipozaliwa na Bikira, ulikuwa mwili wa kufa, haukuwa mwili usioweza kufa. 

Angaliweza kufa katika huo mwili, na kwa kweli Alikufa. 

 Tusome maandiko inayo patikana katika aya hizi mbili za muhimu: 

2 Timoteo 1: 8, 10 

“Basi usione haya kwa ushuhuda wa Bwana wetu, wala kwa mimi mfungwa wake: lakini uvumilie taabu pamoja na Habari Njema kwa nguvu ya Mungu; 

Na sasa imefunuliwa na kuonekana kwa Mwokozi wetu Yesu Kristo, aliyebatili kufa, na kufunua uzima na maisha yasiyokoma kwa njia ya Habari Njema.”  

Hapa inasemwa kwamba: 

Yesu Kristo, aliyebatili kufa, na kufunua uzima na maisha yasiyokoma kwa njia ya Habari Njema. 

Ni Bwana Yesu Kristo Pekee anayekuwa na Mwili Usiyokufa. 

Hiyo Mwili iliyotoka toka kaburi haiwezi kamwe kufa tena.

Ni Mwili wa Utukufu, ni Mwili Usiyokufa. 

16/ Wakati Bwana Yesu alikuwa bado angali duniani, mwili wake ulikuwa bado hauja pata ule Utukufu. 

Wakati alipokuwa akitembea hapa chini duniani, kichwa chake hakikuwa kimezunguukwa na mbaramwezi ya muviringo kama vile wachapaji wengi wanao chapa katika taswira zao. 

17/ Yeye hatarudi tena katika mwili huo aliokuwanao wakati wa kujinyenyekeza na kuzizaraulisha, bali Yeye atarudi katika Mwili wake wa Ufufuko, Mwili wa Utukufu. 

18/ Msemwa “akakaa katika hema” ama “akakaa” iko katika Mifano ya Nyakati katika Kigriki, iitwao AORISTI. 

Ni Mifano za Nyakati katika Kigriki inayoonesha nyakati zilizo pita na kwamba, neno lile lilipita na kubaki tu kule na haliwezi kamwe kuonekana ama kufanyika tena.  

Inamaanisha kwamba: 

Hizo ni makao zenye hazitafanyika tena, hata kidogo katika lile umbo moja ama maumbile sawasawa ama kwa kusudi lile moja. 

Bwana Yesu hatarejea tena hapa duniani kama Mtu mnyenyekevu, ama mnyonge, ama mtumwa, ama mtu munyenyekevu sana na mwenye kiasi. 

Atarudi kama Mfalme wa wafalme na Bwana wa mabwana. 

Ni Yeye Pekee JABARI mwenye NGUVU. 

19/ Tuchunguze sasa neno “Sisi”  

Ni nani ambaye Mutume Yoane anapenda kutaja wakati anapotumia kiwakilishi nomino “sisi” ama “tu-”? 

Mbele ya yote tunafahamu kwamba Mutume Yoane yeye pia anapatikati kati ya wale walioona KRISTO kuvaa mwili, wakimuona na mecho yao wenyewe. 

Mutume Yoana hakuwa yeye pekee kama mushuhuda aliye ona na mecho yake binafsi Mungu kuvaa mwili wa nyama hapa chini duniani. 

Tukumbuke ushuhuda wa vinywa vya watu wawili ama watatu ili neno lishimamishwe kuwa kweli. 

2 Wakorinto 13: 1  

“Mara hii ni mara ya tatu ninakuja kwenu, katika vinywa vya washuhuda wawili au watatu kila neno litasimamishwa.” 

Neno hili ni hakika sababu kulikuwa washuhuda wengi walioona Bwana Yesu Kristo kuvaa Mwili wa nyama.  

Tambua kwamba Mutume Yoane hakusema: Nikatazama, lakini alisema: tukatazama. 

20/ Tuchunguze sasa tendo “tukatazama”, ni mushangao kweli. 

Inamaanisha: 

KUONA KWA KIMTU KWA MECHO YA KIBINADAMU KUONA KITU KINACHOWEZA KUPAPASWA NA MUTU ANAYETIZAMA

(MTAZAMAJI). 

Nazani Mwenyezi Mungu alitumia neno lile ili kuonesha wazi aina ya Mwili wa nyama aliyo vaa Yesu Kristo. 

Katika kanisa la mwanzo, kulikuwa mafundisho ya uongo, Uzushi uliozaliwa na kuinuka nao ulikua unaitwa DOCETISMU, na ulikuwa unafundisha kwamba KRISTO hakuwa na mwili wa maumbile ya kibinadamu na kwamba Yeye hakuwa na hali ya kimutu. 

Wakiendelea kusema kwamba hata jinsi alikuwa akila ama akinywa maji ama alizaliwa, na kufa yote yale yalikuwa tu udanganyifu ama njozi. 

Neno lile tulisoma inaonesha kama njozi lile halikuwa kweli. 

Ni uwongo. 

Mwili wa nyama wa Bwana wetu Yesu Kristo wakati wa maisha yake hapa chini duniani ilikuwa mwili wa maumbile na aina ya kimutu, iliyoweza kuonekana na mecho ya wanadamu. 

21/ Neno “kutazama” inamaanisha: 

KUANGALIA KITU, KUTAZAMA KITU, MARA TUKIWA WENYE KUSHANGAA NA KUZUBAA. 

Kila mtu anaweza kushangaa wakati anaangalia YESU KRISTO. 

22/ Na tukatazama utukufu wake, utukufu kama wa Mwana pekee akitoka kwa Baba.

Tunataka kuvumbua maneno mamoja mamoja ya Maombi ya Kuhani Mukuu wakati alikuwa akitazamia Musalaba. Anasema katika kitabu cha 

Yoane 17: 5 

“Na sasa unitukuze, Baba, pamoja nawe mwenyewe, kwa utukufu ule niliokuwa nao pamoja nawe mbele ya kuwa dunia.” 

Kitu gani kilishotukia wakati Bwana Yesu Kristo alipovaa mwili na kuwa mtu? 

Aliweka kando Utukufu wake; lakini kitu moja kinatushitusha katika hii aya: 

Yoane 1: 14  

“Na Neno alifanyika mwili, akakaa kwetu, tukatazama utukufu wake, utukufu kama wa Mwana pekee akitoka kwa Baba, amejaa neema na kweli.” 

Mutume Yoane anatuonesha hapa kwamba Bwana wetu Yesu Kristo ingawa vile, alikuwa na namna ya utukufu. 

Yeye alikuwa umbalimbali na watu wengine, mwenendo wake ulikuwa tofauti na ya watu wengine. Alikuwa na utukufu hapa duniani lakini utukufu ule haukukuwa sawa na Utukufu wake wa Mbinguni.  

23/ Tunafikia sasa Tamko la tatu: 

Neema na Kweli.  

Hii njo hali ya utu wake. 

Mbele ya yote Yeye ni Neema, na Yeye ni Kweli. 

Hii inaonekana katika maisha yake ya kimutu hapa duniani. 

Tabia hizo mbili zilikuwa zikitambulikana kweli katika maisha yake hapa duniani. 

Tuchunguze sasa neno “amejaa”. 

Kama nyama ya mwili, Alikuwa akijaa neema na kweli. 

24/ Katika Agano Jipya hatuwezi kupata ukurasa ungine kwenye neema na kweli zinaunganishwa na kusemwa pamoja kama vile tunavyoona hapa, ama katika hali na utaratibu kama tunavyo hapa. 

Tufahamu kwamba aya ya 17, inasema: 

“Kwa kuwa torati ilitolewa kwa mkono wa Musa, neema na kweli zilikuja kwa mkono wa Yesu Kristo.” 

25/ Neema inatambulikana kwa kuja kwa Bwana Yesu hapa chini duniani.

Alikuja kujitoa kama Ulipaji(kununua wafungwa), Malimbuko juu ya zambi zetu. 

Tutazame tena katika hii Injili ya Yoane: 

Yoane 3: 17 

“Maana Mungu hakutuma Mwana wake ulimwenguni kuhukumu ulimwengu, lakini ulimwengu uokolewe naye.” 

Yeye alikuja duniani, hapa chini dunia, si kwa kuhukumu ulimwengu, lakini kusudi ulimwengu uokolewe NAYE. 

Ni sawa tunavyo sema mara kwa mara, Neema: Ni kupokea kitu usicho stahili. 

Yote bila malipo. 

Maisha ya hapa chini duniani ya Bwana wetu Yesu Kristo, inatuonesha Neema ya Mungu. 

Mara kwa mara mwenendo na tabia ya Bwana na Mwokozi wetu Yesu Kristo mbele ya wana wa kuasi, watu wenye zambi, inaonesha Neema ya Mungu. 

26/ Na zaidi ya hayo, Yeye tena ni Kweli. 

Bwana Yesu Kristo alikuja kutuonesha kwamba Mungu amejaa Neema na Kweli, na bila shaka, Yesu Kristo ni Kweli.  

27/ Waroma 5: 20 

“Lakini sheria iliingia, ili zambi ziwe kubwa sana, lakini pahali zambi zilipozidi, neema ilizidi zaidi sana.” 

Hapa tuna neno ya  kwamba: 

Pahali zambi zilipozidi, neema ilizidi zaidi sana. 

Neema ilizidi juu yetu kwa njia ya mtu Yesu Kristo, na kwa sababu Alikufa ili alipe malipo ya zambi zetu.  

AMEN  

N°Ref: 12/23/1979/ 523-1 FROM HEAVEN WITH LOVE / 09/10/2020

KRISTO ALISHUKA KUZIMU? (Sehemu ya pili) / DID CHRIST DESCENDED INTO HELL (Part II)

 

Volcano in Goma 100 miles north of  Bukavu, D R Congo

   KRISTO ALISHUKA KUZIMU? (Sehemu ya pili) 

    DID CHRIST DESCENDED INTO HELL (Part II)

    May 1, 1960 

    Pastor Henry F. Kulp

 

Waefeso 4: 7 – 11

“Lakini kila mtu katikati yetu alipewa neema kwa kadiri ya kipimo cha zawadi ya Kristo. 

Kwa hivi anasema: 

Wakati alipopanda juu, alifunga kifungo, 

Akawapa watu zawadi. 

(Basi neno hili: Alipanda, maana yake nini kama si kusema kwamba Yeye alishuka vilevile mpaka pande za chini za inchi? 

Yeye aliyeshuka ndiye aliyepanda vilevile juu sana kupita mbingu zote ili ajaze vitu vyote.) 

Naye alitoa wengine kuwa mitume; na wengine kuwa manabii, na wengine kuwa wahubiri wa Habari Njema; na wengine kuwa wachungaji na walimu;”  

Juma jana, wakati  tulipojifunza maandiko haya, tuliona yakwamba kuna wale wanaojizania kujuwa imani ao fundisho lenye mutume alileta hapa, na wengi wao wanasema kwamba KRISTO alishuka kwenye Hadeze, na mafundisho wanayo fundisha kwa mawazo yao ni kwamba:

  KRISTO alienda kukutana na watakatifu wa Agano la Kale, waliokuwa kule,   kwa sababu damu ilikuwa bado haija mwangika. 

Na kwamba, Kiisha tu  kumaliza kazi yake pale musalabani, alishuka huko chini kusudi la wokovu wa hiyo sehemu,  ni kusema wale waliokuwa katika Hadeze. 

Na kwamba aliwahubiri wale watakatifu waliokuwa kule, kiisha akawakomboa na akawachukua akapanda pamoja nawo mbinguni. 

Kwangu mimi,  kwa kweli, hayo mafundisho nayaona kwamba ni ya ujinga kweli. 

Kwa sababu mafundisho ya namna sawa hayapatikani katika Maandiko hii.  

Maandiko hii haizungumuze kuhusu kupanda ama kushuka ya namna ya kimwili, bali kuhusu Hali na Nafasi, Ranga, Uwezo na Mamlaka. 

1/ KRISTO alikuwa SAWASAWA na MUNGU. 

Alikuwa Mmoja wa Utatu Mtakatifu. 

Akajifanya Mwenyewe kuwa na hali na nafasi ya kupokeya amri na pendekezo kutoka kwa Mungu Baba, wakati Alikuja Yeye Mwenyewe kutimiza Mapenzi yake hapa duniani. 

Aligeuka kuwa mwenye kutii Serkali. 

Alikuwa mwenye kutii wazazi wake, akageuka mtumwa wa wanadamu, na akafa kifo cha msalaba na akafufuka toka wafu. 

Kwa kutimiza hivyo Biblia inatuambia kwamba Yeye atanyanyuliwa juu zaidi sana kupita mbingu zote. 

Na kwa kweli neno hili haliwezi maanisha hali na nafasi ya kimwili, kwamba mtu awe kwa hali ya juu sana zaidi kupita mbingu zote, kwa sababu kwa saa hii, KRISTO ameketi pale Mbingu ya Tatu, Akiwa kwa Mukono wa Kuume wa Mungu Baba. 

Ni kusema kwamba,  hii inamaanisha Hali na Nafasi, Ranga, hapana kupanda ya namna ya kimwili.

Na kwa hiyo, kushuka inayotajwa  hapa haimaanishi kushuka ya namna ya kimwili, lakini hali ya kujiyenyekeza Mwenyewe, kujitia kama hana utukufu, kukamata namna ya mtu, kugeuka mtumwa, kulaaniwa wakati zambi zote ziliwekwa juu yake, na kufa  juu ya msalaba pale Kalvari. 

2/ Wakati tunaambiwa: Kwamba Bwana Yesu alishuka katika sehemu za chini za nchi(dunia), hiyo inamaanisha kwamba: 

Bwana Yesu alishuka katika sehemu za chini, dunia. 

Sababu kwa kufanya hivyo aligeuka kuwa mtumwa wa wanadamu. 

Ranga, ama hali na nafasi hii, hakuijuwa tangu Umilele wake uliopita, na hatalijuwa katika Umilele wake kwa wakati wote utakaokuja. 

3/ Yoane 13: 4, 5  

“akaondoka kwa chakula, akaweka mavazi yake kando; akatwaa kitambaa, akafunga kiuno chake. 

Kiisha akatia maji kwa kibakuli, akaanza kunawa miguu ya wanafunzi wake na kuipanguza kwa kitambaa ambacho alijifunga kiuno chake.” 

Hapa tunakuwa na picha ya KRISTO akishuka kwa Ranga, hali na nafasi. 

Tunaona Bwana Yesu Kristo akinawa miguu ya wanafunzi wake kumi na miwili, kiisha kutembea safari ndefu ya miguu toka njia inayo jaa mavumbi mingi. 

Na alialikwa  kwa chakula, na wakati walipokuwa mbele ya chakula, mwenye kuwakaribisha kwa nyumba yake anakuwa na mtumwa wa kunawisha miguu ya mgeni, ili mugeni ajisikie katika hali nzuri na inayofaa wakati anaketi mezani kwa chakula. 

Hapa tunaona Bwana Yesu Kristo mwenyewe akitwaa kitambaa, akakifunga kiunoni mwake, akanawa miguu ya wanafunzi wake, kwa sababu hapa KRISTO ni Mtumwa anayenawa miguu ya Wanafunzi wake. 

Taswira hii inamuonesha Yeye kama mtumwa. 

Alifanya yoyote ile mtumwa angalipashwa kufanya, alitwaa kitambaa, akajifunga  kiunoni, hii inaonesha kazi za namna ya chini chini sana yenye inakuwa kwa watu wa ranga za chini zaidi,  watumwa. 

Na kwa kweli ni kazi hizo Bwana Yesu alizofanya wakati alipokamata namna ya mtu, Yeye aligeuka mtumwa na akakufa kwa Msalaba pale Kalvari kwa ajili yetu. 

4/ Kiisha Maandiko yanatuambia kwamba alifunga kifungo. 

Kwa kufahamu maandiko hii, tunapashwa kwanza kujuwa yakwamba tukichunguza  Waraka wote wa Mtume Paulo kwa waefeso, hatuta pata aya inayotupatia maelezo kamili ama tafsiri kuhusu aya hii. 

Katika Kigriki, maandiko haya yanamaanisha kwamba: 

YEYE ALIFUNGA KIFUNGO. 

Tena tuvumbue kutajwa kwa neno Neema katika Waefeso 4: 7. 

Waefeso 4: 7

“Lakini kila mtu katikati yetu alipewa neema kwa kadiri ya kipimo cha zawadi ya Kristo.” 

Kila mtu katikati yetu alipewa neema. 

Pia inasemwa “kwa hivi” na hii ingelikuwa “kwa sababu ya neno hili”   

Na inasemwa kwamba wakati alipopanda juu, alifunga kifungo.  

Wakati KRISTO alipandishwa na kutukuzwa juu sana zaidi kupita falme zote, na uwezo, akili zote na mamlaka, na juu ya kila jina linaloweza kuitwa, Alifunga kila kanuni iliyotia mwanaadamu katika utumwa.

Ilimubidi kwa kazi yake ya kiMungu, kuvunja na kuvuta  amri zile mbaya  za kutisha zilizoandikwa na zilizokuwa zikiwashitaki. 

Alizitundika kwa msalaba na hapo  alifunga kifungo na kuvunja nguvu zao zote. 

Na Alipopanda kwa Kiti Cha Ufalme wa Mungu, alizifanya kuwa hazina nguvu yoyote ile. 

Sheria inatoka kwa Kiti cha Ufalme wa Mungu, na kwa kupanda kwake juu, aliiweka kando kabisa na kwa sasa ni Neema tu ndiyo inayotenda kazi katika maisha yetu. 

5/ Kumbukeni kwamba mara kwa mara tunasisitiza na kutia mukazo kwamba sisi kwa leo tuko katika Utunzaji wa Neema, na vyote twavipata kwa Neema pekee. 

Katika matunzaji mengine watu walikuwa wakiokolewa kwa neema, lakini Yote hayakukuwa kwa Neema mtupu. 

Kwa sababu tunasoma katika Waraka wa Wagalatia kwamba sheria iliongezwa pembeni ya neema, na Mungu alivunja nguvu zote za sheria, alifunga kitu kilichokuwa kinatufunga kwa kifungo na kwa sasa ni Neema tu inayotumika maishani mwetu. 

Tumeokolewa kwa Neema tu, bila kuongeza kitu ama tendo lolote lenye mwanadamu anaweza kutarajia kufanya. 

Hakuna tena kanuni lolote juu yetu, ama sheria lolote juu yetu. 

6/ Wakolosayi 2: 4 

“akikwisha kuzima hati ile iliyoandikwa kwa kutushitaki kwa hukumu zake, iliyokuwa na uadui kwetu; akaiondosha na kuifunga kwa msalaba na misumari.” 

Kulikuwa vitu vilivyokuwa vinashika watu katika vifungo, na Bwana Yesu Kristo alivitundika kwa msalaba. 

Na wakati alipaa na kupanda mbinguni Alivunja vinyume vya hati na hukumu zote zilizokuwa na uadui kwetu. 

Ni Neema pekee tu sasa ndiyo inayotumika kati yetu. 

7/ Kiisha tunaona kwamba aliwapa watu zawadi mbalimbali. 

Aliwapa hizo zawadi, akiwa KRISTO aliye fufuka. 

Ni zawadi gani? 

Naye alitoa wengine kuwa mitume, na wengine kuwa manabii; na wengine kuwa wahubiri wa Habari Njema; na wengine kuwa wachungaji na walimu. 

8/ Muhubiri wa Habari Njema ama muinjilisti ni nani? 

Ni mwenye kubeba Habari Njema kwa wengine. 

Huduma ya muinjilisti inaelekea watu wa inje.

Wakati Mwenyezi Mungu anapatia mtu zawadi ya uinjilisti, huyu mtu anasikia ndani ya roho yake mapendo kwao wanaopotea, mapendo kwa wasioamini. 

Anamupa kipaji ya kupasha  Neno la Mungu na Nguvu  na usaafi wote. 

Ni zawadi ya mastaajabu kweli. 

Kuwa muinjilisti ni kuwa na zawadi ya mastaajabu kweli. 

Lakini sasa, siyo watu wote walio na kipaji hiki. 

Muinjilisti anatoa Neno linalokuwa na uaminifu wote ndani mwake.

Najuwa kwamba sote tayari tumekwisha kukutana na wao wanaoitwa wavuvi wa roho za watu. 

Nia yao nikushuhudia wababa na wamama kuhusu Yesu Kristo na wanakuwa na kipaji ya kuwaleta watu hawa kwake Bwana na Mwokozi Yesu Kristo.

Mimi binafsi nilikutana na watu wengi kama wale.

Ninakumbuka kijana mmoja Muhubiri katika muji wa Johnstown, mwenye nazani alikuwa na kipaji ya uinjilisti. 

Nilikuwa nikifurahia kuona namna alikuwa akileta roho za watu kwa Bwana Yesu. 

Yeye maisha yake yote ilizungukwa tu na hiyo kipaji. 

Munaweza kupatana  naye kwamba mutakutana kwa mahali fulani, lakini kama desturi yeye atafika nyuma ya saa moja ama saa moja na nusu, na ukapima kumuuliza kwa nini yeye amefika nyuma,  alikuwa tu  anakuambia umurehemu, kwa sababu yeye alikuwa na mazungumuzo na mtu moja aliyekutana naye kwa njia ama kwa nyumba ya kutengeneza nywele, ama kwa mgahawa(nyumba ya kuuzishia chakula chenye kupigwa),  na watu wenye alikua akikutana nao ni watu wenye ilikuwa tu kwa mara ya kwanza kukutana nao, alikua hajawai kukutana nao hata mara moja, lakini alikaa chini pamoja nao akiwashuhudia juu ya Kristo Yesu. 

9/ Baada ya ayo, tunasoma ya kwamba: 

Naye alitoa wengine kuwa wachungaji. 

Jina muchungaji inamaanisha mwenye kuchunga na mlinzi. 

Muchungaji mwema ni Mlinzi mwenye kutia roho yake yote juu ya kundi anayochunga katika zizi lake. 

Wakati Bwana Yesu alipo endelea mara na mara tena kuuliza Petro: “Wanipenda kuliko wote hawa?” 

Na nyuma ya haya yote Petro alikiri akisema: 

Najua kwamba upendo hauko ndani yangu. 

Bwana Yesu akamwambia: Lisha zizi langu, lisha wanakondoo wangu, linda na kulisha zizi langu, nikusema, Aliweka Petro kuwa Mchungaji wa zizi hilo. 

10/ Hapo tunafikia kiwango cha kusema kwamba muinjilisti anakuta walewasioamini, anawaleta kwa Bwana Yesu, na kwa kweli anawaleta katika kikundi cha waamini, na ni hapo Mchungaji anajifunza namna ya kuwaongoza katika majani mabichi ya Neno la Mungu anayo wapa akiwaonesha namna gani kuishi maisha yao katika kutenda Neno la Mungu,  akiwasaidia kushindana na matatizo na migorogoro ya maisha. 

11/ Tunafikia sasa Walimu. 

Tofauti gani inayokuwa kati ya Muchungaji na Mwalimu? 

Mwalimu ni mtu ule anayeweza kufungua Neno la Mungu akilisoma na kulicheuwa na kuleta ufunuo na maana mbalimbali ya muhimu sana ya maneno yenye kuzama ndani ya andiko alilolisoma.

Mwalimu anakuwa na kipaji ya kuchimbua neno na kulifafanua kwa namna ya mtu yeyote apate kulifahamu na kulisikia kwa uraisi wote.

Watu wengi wanaweza kuwa na uwezo wa kuwa Wainjilisti ama Wachungaji ama Walimu, lakini kwa binafsi, mtu huyo atakuwa amefanyikiwa sana kwa huduma yake katika moja ya zawadi hizo tatu kuliko mbili nyingine,  na tena kipaji kimoja ndicho kitainuka zaidi na kuwa na matendo zaidi kupita zingine zote. 

Yeye anaweza kuwa Mwalimu zaidi kuliko Mchungaji ama Muinjilisti. 

Ama anaweza kuwa Muinjilisti wa manufaa kabisa kuliko kuwa Mchungaji ama Mwalimu. 

Tunahakikisha kwamba vikundi hivi vimepewa kwa kanisa. 

Tufahamu vilevile kwamba zawadi za Mitume na Manabii nazo vilevile ni zawadi za Kristo aliye fufuka.  

Angalisho kwa utaratibu kuhusu namna majina haya mawili yanapangana. 

Mitume na Manabii, Paulo hakusema Manabii na Mitume, huu ni utaratibu wa Agano la Kale. 

2 Petro 3: 2 

“mupate kukumbuka maneno yaliyosemwa zamani na manabii watakatifu, na amri ya Bwana na Mwokozi iliyoletwa na mitume yenu.” 

Mutume Petro anasema hapa juu ya Manabii na Mitume, wanaomaanisha watakatifu wa Agano la Kale.

Hii haimaanishe wale kumi na wawili na Manabii wa Agano la Kale. 

Hapana hata kidogo, haya ni kwa nyakati ya Mwili wa Kristo. 

Mutume inamaanisha, anayetumwa. 

Na Nabii inamaanisha, anayetangulia kusema, hapana yeye anaye tabiri mambo yatakayokuja kesho. 

12/ Kuna kusudi la muhimu na la musingi kwa watu hawa kuwa na zawadi hizi mbalimbali katika Mwili wa Kristo. 

Sawa vile watu wanavyojua: 

Katika Biblia Takatifu, uwekaji wa vituo vya uandishi haukupanwa kwa maongozi ya Mungu. 

Kwa mara yanasaidiya na mara hayasaidiye. 

Kwa kesi tunayo, haisaidiye.  

Tunapo ondoa “mkato” katika aya hii ya kumi na mbili, hapo tunapata maelezo na maana kamili. 

Naye alitowa wengine kuwa mitume; na wengine kuwa manabii; na wengine kuwa wahubiri wa Habari Njema; na wengine kuwa wachungaji na walimu; 

Kwa kusudi ya kukamilisha watakatifu kwa kazi ya utumishi hata Mwili wa Kristo ujengwe. 

Kuna kusudi la muhimu na la musingi kwa zawadi hizo kupewa kwa Kanisa Mwili wa Kristo. 

Neno kukamilisha haimaanishe kugeuka kuwa pasipo kosa lakini inamaanisha KUTAYARISHA ama KUPATIA VIFAA. 

13/ Zawadi hizo ni kwa ajili ya kupatia taifa la Bwana vifaa kwa kazi ya Bwana, taifa hilo ni mukusanyiko ya waamini wote wa kanisa la fasi, wale walioamini Bwana Yesu kama Bwana na Mwokozi wao. 

14/ Tunafahamu ya kwamba zawadi hizo zinatolewa kwa Kanisa Mwili wa Kristo kwa kusudi la kuwakamilisha watakatifu na kupanua kazi ya Bwana kwa kuhimiza na kujenga Mwili wa Kristo kwa kazi ya Bwana ili Kanisa lipanuke.  

Ni vizuri gani kama tungelikuwa na watakatifu wanaokaa kwa mimbari ama viti vya kanisa kwa kujiweka tayari kwa kazi ya Bwana.

Kama wasema kwamba umeamini Bwana Yesu na wewe haufanyi kazi yoyote kanisani, wewe unakuwa kikwazo kwa malaika wa Bwana,  na jambo la sifa na furaha kwa mapepo wa giza. 

Kwa sababu tulipokea zawadi mbalimbali ili sisi kwa nafasi ya KRISTO tupate kusihi watu ili kuwapatanisha na Mungu. 

2 Wakorinto 5: 17 

“Hivi kama mtu akiwa ndani ya Kristo, yeye ni kiumbe kipya; maneno ya zamani yamepita; tazama, maneno yote yamekuwa mapya.” 

15/ Zamani nilijuwa kijana moja aliyekuwa mwanamemba wa kanisa letu, lakini kwa sasa yeye anakuwa Mchungaji. 

Siku moja nilikuwa nikihubiri katika kanisa lake na wakati nilipofika mwisho wa mahubiri, alikuja kwangu na kuniuliza, je inaweza kuwa shida kwako kama mimi nikitumikisha mahubiri hii wakati ninapohubiri watu wengine? Nikamujibu, hapana hata kidogo, kwangu itakuwajambo la furaha kuona kwamba unatumia mahubiri hii. 

Naye akaongeza akisema:   kwa jumaa hii nitatoa Neno kwa mukusanyiko ya Watumishi. 

Pia akasema tena: Sioni sababu gani ninakuuliza, kwa sababu tayari nimekwisha kutumikisha mahubiri yako mara nyingi sana wakati ninatoa neno hapa kanisani.

Nikamujibu: Kama neno lolote linagonga sana moyo wako na kukuletea burudani na wewe pia unkusudia kuileta kwa mtu mwengine ili abarikiwe kiroho, sioni hata tatizo moja kwa tendo lile, bali nitamtukuza Bwana Mungu wetu. 

Na kwamba, kama kwa njia ya neno lile, mtu anakiri na kupokea Bwana Yesu kuwa Bwana na Mwokozi wake, wewe utakuwa baba yake wa kiroho na mimi nitakuwa tate yake. 

Kama ingelikuwa kundi lote la waamini wanajiweka pamoja na kusimama ili kutenda kazi ya Mungu, kwani najua kwa kweli kwamba kanisa la nafasi inakuwa ya manufaa kabisa mbele ya mecho ya Mungu, nivizuri sana watu wote kujitoa kwa kuhudumia Mungu. 

Hakuna Mchungaji anaye weza kutimiza huduma huu pekeyake.

Hata kundi ya Wachungaji haiwezi lolote pekeyao. 

16/ 1Wakorinto 1: 10  

“Basi ninawasihi ninyi, ndugu, kwa jina la Bwana wetu Yesu Kristo, ya kwamba ninyi wote museme neno moja, na matengano yasiwe katikati yenu; lakini mwungane katika nia moja na shauri moja.” 

Hapa tunaona upumbafu wa kutokutumika pamoja. 

Ujinga wa kutokupanga kazi. 

Kanisa la Korinto lilikuwa katika mikorogano sababu kila mtu alikuwa akijifungia kwa upande wake, akisongana tu na kuangalia kazi yake mwenyewe pahali pa kujioa wote pamoja kwa kazi ya Bwana. 

Watakatifu wenye wanaojitoa kwa kazi ya Bwana hawana iyo saa ya kubaguwa wengine kwa kuwatia kando kwa kazi. 

Yawezekana unaweza kuchanganyikiwa na kuhuzunishwa kupitia mwamini moja anayekuwa sawa mutakatifu wa Mungu. 

Waweza kufwata mufano wa marehemu Mutumishi Billy Sunday. 

Yeye alikua aki kosolewa na kurejeshwa mara kwa mara na wale wanaokuwa sawa watakatifu kupita watu wote, juu ya namna yake ya kuhubiri. 

Hivi akawauliza wale watakatifu: 

“Kama hamufurahie namna yangu ya kuhubiri, muniambie ninyi munahubiri namna gani?” 

Na jibu ilikuwa: “Sisi hatujawai bado kuhubiri.” 

Hivyo Mchungaji Billy Sunday akawaambia: 

“Mimi ninafurahia namna yangu ya kuhubiri zaidi ya namna yenu.” 

17/ Ni vizuri kujitoa sana kwa yale Mwenyezi Mungu anatarajia kwako. 

Wajibu wako wa maana katika maisha yako ni kutangaza na kupanua kazi kwa kuhudumia katika Shamba la Bwana. 

Wewe hauko pale juu ya kununua manyumba, viwanja ama vifaa. 

Hauko pale ili ujaze mali kwenye banki yako. 

Mwizi wakati anakutokea anakuambia uchague kati ya pesa na uzima wako, 

Lakini Mungu anakuomba zaidi. 

Anasema: Mali yako Na Uzima yako. 

Kama Mungu hakutumie wewe, yawezekana ni wewe ndiwe hautapenda kumuruhusu. 

Sababu gani Mwenyezi Mungu alikuwa akitumikisha sana makanisa ya Makedonia? 

Nitawaambia sababu gani. 

Ni kwa sababu wao wenyewe walijitoa kwanza wenyewe kwake. 

1 Wakorinto 8: 5 

“Kwa maana hata wakiwa walioitwa miungu, ama katika mbingu au katika dunia, kama ni miungu mingi na bwana wengi.” 

18/ Neno hili litadumu hata lini? 

Ninaweza kuwajibu. 

Waefeso 4: 13 

“hata sisi sote tufikie umoja wa imani, na kujua sana Mwana wa Mungu, hata kuwa mtu mzima, hata kufika kipimo cha urefu wa utimilifu wa Kristo;” 

Hii inamaanisha nini? 

Inamaanisha wakati Kanisa Mwili wa Kristo itakusanyika pale Mbinguni ikizunguuka Bwana na Mwokozi wetu Yesu Kristo, hapo KRISTO atafunuliwa kwetu sisi wote. 

Kwa sababu hapa chini duniani bado tungali tunasemasema chini chini bila ufahamu kabisa kuhusu utimilifu wa Kristo. 

Ndani ya Waefeso 1: 23, tunasoma ya kwamba: 

“lililo Mwili wake, utimilifu wake  anayetimiza vyote katika vyote.” 

KRISTO ni Kichwa cha Mwili, akiwa kule juu mbinguni ndani ya Utukufu wake; na sisi Waaminifu ni Viungo vya Mwili wake, basi Yeye hatimiliki bila sisi, na sisi hatutimiliki bila YEYE.

Bali, tutafikia Utimilifu wa KRISTO wakati tutafika mbinguni tukiwa pamoja NAYE. 

AMINA

 

N°Ref: 05/01/1960  220 - DID CHRIST DESCENDED INTO HELL / 08/30/2020