KRISTO – BWANA WA WOTE / CHRIST – LORD OF ALL

Photo taken by B Smith from the Patio

 

KRISTO – BWANA WA WOTE

CHRIST – LORD OF ALL

January 27, 1980 

Pastor Henry F. Kulp

Waroma 14: 6 – 9 

“Yeye anayeshika siku, anaishika kwa Bwana: na yeye asiyeshika siku, haishiki kwa Bwana. Naye anayekula, anakula kwa Bwana, kwa sababu anashukuru Mungu: naye asiyekula, hakuli kwa Bwana naye anashukuru Mungu. 

Kwa sababu hapana mtu katikati yenu anayeishi kwa yeye mwenyewe, na hapana mtu anayekufa kwa yeye mwenyewe. 

Kwa maana kama tukiishi, tunaishi kwa Bwana; na kama tukikufa, tunakufa kwa Bwana; basi, kama tukiishi au kama tukikufa, sisi ni mali ya Bwana. 

Kwa sababu hii Kristo alikufa, na alifufuka awe Bwana wao waliokufa, nao waliohai vilevile.” 

Hapa tunapata maandiko yenye kila mwamini anapashwa kufahamu na pia kutumikisha maishani mwake. 

1/ Mbele ya yote ninatamani kuwauliza maswali mawili ya musingi: 

a/ Ningelitamani uchunguze maisha yako na kujiuliza: Kwa nini ninaishi? 

b/ Sababu gani Kristo alikufa? 

Maulizo haya mawili, yanakuwa kama hayapatani, hayatembee pamoja na ijapokuwa yanapatana. 

Kwa kujibu kwa swali la kwanza, unapashwa kwanza kujibu kwa swali la pili.

Nina  uhakika kwamba Wakristo wengi wanafahamu tu ya kwamba KRISTO alikufa tu juu ya wokovu wao, yakuwa Yeye alikufa juu awatayarishie makao mbinguni, ili wakae milele pamoja na Bwana Yesu Kristo, lakini siyo kweli.   

2/ Waraka wa Waroma ni kitabu cha musingi sana. 

Wakati wakristo wanapofika kuniuliza kitabu gani tunalopashwa kusoma kwanza katika vitabu vyote vya Biblia? 

Ninawajibu, jifunzeni pia someni Waraka wa Waroma. 

Waraka wa Waroma ni kitabu kinachojaa Utunzaji wenye kila mwamini anapashwa kufahamu. 

3/ Waraka wa Waroma kwa mwanzo wake unazungumuza juu ya ubinadamu. 

Hapa tunapewa neno moja la maelezo ya ajabu. 

Watu walivumbua kwamba kuna kizuizi kubwa kinachotenganisha  Mwenyezi Mungu na watu. 

Mutu alivumbua ya kwamba mwanadamu wote, haijali  awe wa aina gani, yeye anapatikana nyuma ya kizuizi hicho. 

Mutu anayeishi kinyume cha maadili, mutu wa maadili, mutu wa dini, kwa ufupi, kila ule aliyezaliwa katika huu ulimwengu, alizaliwa nyuma ya kizuizi hiki  kinachowatenga na Mwenyezi Mungu. 

4/ Mtu anayeishi kinyume cha maadili anatambua hali yake mbaya sana na anafahamu yeye ni namna gani. 

Ni raisi sana mutu wa kinyume cha maadili kufikia wokovu kuliko mutu wa maadili, ama mutu wa dini, hata kama wote ni katika fungo moja, wote ni nyuma ya kizuizi.  

5/ Kizuizi hicho ni zambi.  

Siyo tu zambi, lakini sababu mtu alizaliwa mwenye zambi. 

Alizaliwa katika Adamu na kuriti zambi ya Adamu. 

6/ Waraka wa Waroma inatufunuliya ya kwamba Bwana Yesu Kristo aliondoa kizuizi hicho kwa njia ya kufa kwake musalabani pale Kalvari, na kwamba sisi tunaokolewa kwa Neema bila kuongeza kitu chochote. 

Tunaokolewa kwa njia ya imani kwa kazi ya Bwana wetu Yesu Kristo, kazi aliyotimiza pale kwa Musalaba wa Kalvari.  

7/ Tunafikia sasa sura yake ya kumi na ine na hapo, Mungu anazungumuzia waamini. 

Wale ambao Kifo cha Bwana na Mwokozi  wetu Yesu Kristo kwa Musalaba pale  kalvari, kimekwisha tayari kuondoa  kizuizi hicho. 

Sura hii ya kumi na ine inatupatia pichi ya hali mbili ya waamini. 

Mukristo mwenye nguvu na mukristo muzaifu. 

Mukristu muzaifu ni yule mushika sheria. 

Mukristo mwenye nguvu ni yeye anayeishi na kuamini Neema. 

 

8/ Mukristo muzaifu anazani kwamba yeye yuko kiroho sababu hakule chakula hiki ama kile na anazani kwamba yeye ni kiroho sababu anaheshimu na kushika siku za juma. 

Mukristo mwenye nguvu, kwake siku hazina tofauti, kwake, siku zote ni za Bwana. 

Kila asubui anapoamka, anashukuru Bwana wake na kuona mapambazuko mapya na kumukabizi Bwana siku hiyo mupya ili iwe tu kwa sifa zake, na kama  ikimupendeza, Bwana wake Yesu Kristo Yeye Mwenyewe, aweze kuitumikisha kwa manufaa yake. 

9/ Toka aya ya saba(7) hadi ya kenda(9). Hapo tunaoneshwa tabia yenye inaweza kutusaidia sisi tuwe wakristo wenye nguvu katika Bwana wetu Yesu Kristo na kutuepusha kuwa wakristo wanaotembea katika sheria, na kutuwezesha tuishi ndani ya Neema. 

10/ Kwa kufahamu na kusikia aya hizo, nitazisoma zote kwa ajili yenu kama mtu anayezitafsiri toka maandiko ya kigriki.

HAKUNA ANAYEISHI KWA FAIDA YAKE MWENYEWE.

Hii ni msemwa, ni aina ya sarufi. 

Hatuishi kwa faida yetu wenyewe. 

Tunaishi ili tumutukuze, Yeye, Bwana wetu Yesu Kristo. 

Kiisha tuna msemwa ingine inayofwata, nayo vilevile iko katika kigriki.  

HATUKUFI KWA FAIDA YETU WENYEWE, TUNAKUFA KWA FAIDA YAKE. 

Maisha yetu hapa chini duniani inagawanyika kwa nyakati mbili: 

Tunapokuwa bado hai. 

Tunapokuwa tayari wafu. 

Tupime chunguza nyakati tunapokuwa tayari wafu. 

Mara ngapi tunasema: wakati tunapokufa sisi tunakuwa mbali na kukosekana katika mwili, lakini tunakuwa karibu na Mwokozi, neno hili ni la raha sana, na ni lakweli, sasa tutazame aya ingine.

Zaburi 116: 15   

“Ni ya damani machoni mwa BWANA Mauti ya watakatifu wake.” 

Sababu gani hii ni kweli? 

Sababu sisi tunakufa kwa faida ya Mwokozi wetu.

Anatupenda sana, na anapenda tukae pamoja naye. 

Na wakati kazi yetu hapa chini duniani inapomalizika anatuchukuwa ili tuende kukaa pamoja naye.

11/ Aya ya nane(8), sasa niwatafsiri aya hii inayo fasiriya kwa makini aya ya saba(7). Inafasiriya sababu gani aya ya saba ni kweli. 

KAMA TUNAISHI, TUNAISHI KAMA MALI YA MWOKOZI, KAMA TUNAKUFA, TUNAKUFA KAMA MALI YA MWOKOZI. 

Kila mukristu ni mali ya Mwokozi pekee.  

Haijali yeye ni mukristo wa hali gani: wa kiroho, mushika sheria, wa kimwili, anaye amini na kuishi chini ya neema, anaye komaa, asiye komaa, yeye ni mali ya Mwokozi na kwa asubui ya leo ningelipendelea ninyi kufahamu sana neno hili. 

Nyinyi ni mali ya Mwokozi, mukiwa hai ama wafu.

12/ 1Wakorinto 6: 19, 20 

“Hamujuwi ya kuwa mwili wenu ni hekalu la Roho Mutakatifu aliye ndani yenu, muliyepewa na Mungu? Na ninyi si mali yenu wenyewe;

Kwa sababu mulinunuliwa kwa bei; basi tukuzeni Mungu katika mwili wenu na katika roho yenu, maana ni ya Mungu.” 

Mungu aliwanunuwa kwa Damu yake, ni kwa hiyo, ninyi ni mali yake.

Ninyi ni mali ya Mwokozi Yesu Kristo Mwenyewe. 

13/ Aya ya kenda (9). Masemi “ na alifufuka” yenye haiko sawasawa na utafsiri wake wa kwanza unaosema kwamba: ili Kristo afe na aishi mara tena. 

Tuchunguze vema neno “ili” yenye inaonesha mwanzo wa msemwa unaoonesha kusudi la tendo. 

Kwa sababu gani KRISTO alikufa? 

KRISTO alikufa kwa sababu ya kusudi fulani. 

Siyo tu kwa sababu Yeye awe Mwokozi, ama siyo tu kwa sababu atupeleke Mbinguni, lakini ili awe Bwana wa walio hai na walio kufa vilevile.

Neno Bwana inamaanisha KUKUWA MWENYE MAMLAKA (ANAYE MILIKI). 

14/ UBWANA wa Bwana wetu Yesu Kristo ndiyo neno kubwa la muhimu ambalo nafsi yetu inapashwa fikiria. 

Mimi siwaze juu ya nguvu yangu ninaona tu lazima kwangu kutangaza na kuhubiri Bwana Yesu Kristo kama BWANA. 

Ni wachache sana wanaofahamu kwamba Bwana wetu Yesu Kristo alikufa kwa sababu lile. 

15/ Kwa kufahamu UBWANA wa Bwana wetu Yesu Kristo, MAMLAKA yake, tuchunguze maneno Bwana wetu Yesu Kristo aliyoyasema katika kitabu cha Luka 10: 1 – 2 

“Nyuma ya maneno haya Bwana akachagua wengine makumi saba, akawatuma wawili wawili mbele ya uso wake kwenda kila muji na pahali yeye mwenyewe alipotaka kuja. 

Akawaambia: Mavuno ni mengi, lakini watenda kazi ni wachache; ombeni kwa Bwana wa mavuno, atume watenda kazi katika mavuno yake.” 

Hapa Bwana Yesu Kristo anajiita mwenyewe kwamba Yeye ni Bwana wa ulimwengu. 

Akiwatuma wao makumi saba. 

Akiwaambia: Mavuno ni mengi, lakini watenda kazi ni wachache; kiisha hapo alijiita Bwana wa mavuno.  

Neno hili halina tu maana sawa sawa na namna ilivyo andikwa, lakini kuna pia maana ya kiroho. 

Biblia inatufundisha kwamba Bwana Yesu Kristo ndiye Muumbaji wa vitu vyote. 

Yoane 1: 3  

“Vitu vyote vilifanyika kwa huyu; na pasipo yeye hakikufanyika hata kitu kimoja kilichofanyika.” 

Kiisha, 

Wakolosayi 1: 16, 17 

“Kwa kuwa katika yeye vitu vyote viliumbwa vilivyo mbinguni na vilivyo duniani, vitu vinavyoonekana na visivyoonekana, ikiwa ni viti vya wafalme au usultani au falme au mamlaka; vitu vyote viliumbwa kwa njia yake na kwa ajili yake. 

Naye ni mbele ya vitu vyote na ndani yake vitu vyote vinashikamana.” 

Yeye ndiye mwenye kushika Ulimwengu. 

Mambo yote tunayoyaona na mecho haikufanyika kwa kubahatisha ama kwa nguvu iliyo hafifu. 

Yote ilifanyika kuwa,  na kuumbwa kwa tendo la uumbaji la Bwana Yesu Kristo na mambo yote yanaendelea kuwa na kuishi kwa sababu  ni Yeye vilevile anaye fanya vitu vyote kushikamana na vyote ni katika mukono wake.  

16/ Bwana Yesu Kristo anatuonyesha nguvu yake juu ya Ulimwengu. 

Luka 8: 24  

“Wakakwenda kwake wakamwamsha, wakisema: Bwana, Bwana tunapotea. Akaamka, akakemea upepo na maji yaliyochafuka, yakakoma, ilikuwa kimya.” 

Wakati alipokemea upepo na maji, yakakoma na maandiko yanatuambia kukawa kimya. 

Ilikuwa  mastaajabu sana kwa Mitume. 

Kuona na mecho yao yenyewe namna gani Nguvu za Mwenyezi Mungu zimeonekana wazi, ilikuwa mshangao sana kwao hata wakasemezana kwa sauti: Huyu ni nani basi, hata anaamuru upepo na bahari nazo zinamutii? 

Nikusema kwamba ulimwengu unaotuzunguuka unashuhudia kwamba Yesu ndiye Bwana Muumbaji wa Ulimwengu wote.  

17/ Ubwana wa Yesu Kristo unafika hata katika eneo la mizimu na pepo, Ulimwengu wa giza, giza kamilifu. 

Tunaweza anza kuzania kwamba Utawala wa Bwana Yesu haufike mpaka hapo, lakini Biblia inatufundisha tofauti ya ile. 

Zaburi 139: 7, 8  

“Niende wapi mbali na Roho yako? 

Au nikimbie wapi toka uso wako? 

Nikipanda mbinguni, wewe ni kule; 

Nikifanya kitanda changu katika Hadeze, tazama, wewe ni kule.”  

Hukuna mahali penye UBWANA wa Yesu Kristo haufike. 

18/ Luka 8: 26, 27 

“Wakafika kwa inchi ya Wagerase iliyotazama Galilaya. 

Akitoka chombo, mtu fulani wa mji, mwenye pepo wachafu, alikutana naye; hakuvaa nguo siku nyingi, wala hakukaa katika nyumba, lakini katika makaburi.”

Hapa tuna historia ya mutu wa Wagerase   mwenye pepo wachafu, mwenye alikuwa akijaa Jeshi la pepo wachafu. 

Jiulize na kuwaza ndugu yangu, pepo elfu sita ndani ya mtu mmoja.

Kweli alikuwa akiogopesha majirani wake wote na kila mutu alikua akimuogopa. 

Aya 30 – 33 

“Yesu akamwuliza,  akisema: Jina lako nani? Akasema: Jeshi; kwa sababu pepo wachafu wengi walimwingia. 

Wakamwomba asiwaamuru waondoke na kwenda katika kilindi. 

Kulikuwa pale kundi la nguruwe wengi, wakikula juu ya mlima; wakamwomba awape ruhusa kuingia kwao. Akawapa ruhusa. 

Na wale pepo wachafu walitoka mtu yule, wakaingia nguruwe, kundi lile likatelemuka mbio chini ya genge hata katika bahari, wakakufa.” 

Bwana Yesu Kristo aliamuru kwa kutoa tu neno ya Nguvu zake, na wakati neno ilipotoka wale mapepo wachafu walikwenda kuingia katika kundi la nguruwe waliokuwa wakila na wale nguruwe waliamuwa wajiuwe kuliko kuingiliwa ndani na lile Jeshi la pepo wachafu.   

Wapepo wachafu hawangaliweza kushindana na Bwana Yesu, wala kupima kupingana naye. 

Ni neno moja tu ya Nguvu ya Uwezo wake iliweza kuokowa mtu yule kwa utumwa wa pepo wachafu. 

19/ Inatupasa kutambua ya kwamba katika Ulimwengu hakuna hata nguvu ama mamlaka yenye haiiname chini ya Uwezo wa Bwana wetu Yesu Kristo. 

20/ Lakini kwa kuwa Bwana wa Kanisa, Mwili wa Kristo, ilimupasa Bwana Yesu afe. 

Kwa kuweza kuwaambia waamini walio hai na wao waliokufa kwamba wao wote ni mali yake mwenyewe,  ilimupasa Bwana Yesu asulubishwe kwa Musalaba pale kalvari,  ateswe na kutundikwa, afe na kufufuka na kushinda mauti akitoka toka kaburi.  

21/ Tuchunguze  sasa yanayosemwa juu ya Bwana Yesu  kama Bwana wa walio hai na walio kufa. 

Matendo ya Mitume 7: 59 

“Wakapiga Stefano kwa mawe, naye aliomba, akisema Bwana Yesu, pokea roho yangu.” 

Hapa tunaona Stefano mbele ya Waalesanduria, akiwahubiri na  kufanya maajabu na alama kubwa mbele za waongozi wa taifa la Izraeli, wakashikwa sana na maneno aliyoyasema, wakajaa hasira sana na kuanza kumutupia mawe, walimukokota inje kwa udongo, na walimupiga mawe hadi kufa, na yeye alipaza sauti  kwa Mungu akiangalia juu,  akisema: sikiliza kwa makini:  

“Bwana Yesu, pokea roho yangu.”  

Na bila kubishana, kiisha punde kidogo tu, jiwe kubwa likatupwa kwa kichwa chake, ikavunja fuvu la kichwa chake na akasukumwa katika uwepo wa Mungu.  

Akiwa haiko tena ndani ya mwili wake, lakini Yeye ni pamoja na Bwana, katika otuba yake wakati alikuwa akikufa, akiwa kati la bonde la mauti  ushuhuda uliotolewa na Stefano akiutowa kwa Bwana Yesu ulikuwa wa fasaha. 

Yeye hakuwa anatarajia kuanguka ndani ya giza, ama kuingia katika mkoa usiojulikana. 

Yeye alijuwa ya kwamba KRISTO aliyefufuka alikuwa anangoja roho yake na kwamba punde kidogo atakuwa mbele ya uwepo wa Bwana na Mwokozi wetu Yesu Kristo. 

22/ Ninafahamu kwamba nyinyi munazoeya habari ya Thomas mwenye alikuwa na shaka. 

Yoane 20: 25 – 28 

“Basi wanafunzi wengine wakamwambia: Tumeona Bwana, Lakini akawaambia: Nisipoona katika mikono yake alama za misumari, na kutia kidole changu katika alama za misumari, na kutia mkono wangu katika mbavu zake, sitaamini hata kidogo. 

Na nyuma ya siku nane wanafunzi wake walikuwa ndani tena, na Tomasi pamoja nao, Yesu akakuja, milango imefungwa, akasimama katikati, akasema: Salama kwenu. 

Basi akamwambia Tomasi: Leta hapa kidole chako, na tazama mikono yangu. Na leta hapa mkono wako uutie katika mbavu zangu; usiwe asiyeamini, lakini mwenye kuamini. 

Tomasi akajibu akamwambia: Bwana wangu, na Mungu wangu.” 

Alisema ya kwamba: Nisipoona katika mikono yake alama za misumari, na kutia kidole changu katika alama za misumari, na kutia mkono wangu katika mbavu zake, sitaamini hata kidogo.  

Kiisha Bwana Yesu aliwatokea tena Tomasi akiwa pale, na akaambia Tomasi: Leta hapa kidole chako, na tazama mikono yangu. Na leta hapa mkono wako uutie katika mbavu zangu; usiwe asiyeamini, lakini mwenye kuamini.  

Sikilizeni vizuri majibu ya Tomasi kwa aya ya 28

Tomasi akajibu akamwambia:

Bwana wangu, na Mungu wangu.  

Tomasi alitambua kwamba Yesu Kristo alikuwa Bwana. 

23/ Yafaa kutambua ya kwamba Bwana Yesu Kristo ni Bwana asiyeweza kulinganishwa na wale ma bwana wengine maelfu ya mabwana wanaojulikana, lakini Yeye ndiye BWANA. 

Lakini, wengi wetu wanapenda kujipandisha na kujivunia huduma wanayoongoza wakianguka  hata katika kiburi kisiyo na mipaka, pahali pa kunyenyekea chini ya uamuzi  na mwelekeo  wa Yesu Kristo. 

24/ Zamani kidogo, nilisoma hadizi ya nyumba inayopakwa rangi na hadisi iyo ilinishangaza sana na kunipa fundisho. Ni kwa sababu hiyo nilitaka tuikumbuke pamoja. 

Kopo kubwa la rangi yenye tayari imeishwa changwa, ilikuwa inasema vifwatavyo: ni mimi nitapakaa  rangi kwa nyumba, na Kopo iyo kubwa ya rangi  ikiwa katika bohari ya nyumba ndogo ya mbao. 

Hapana, mimi nitaipakaa rangi, ikisema sasa na hasira yote bila kujizuiza. 

Na Ngazi ilikuwa ikitegemezwa kwa ukuta ikasema : wewe uko eti uko, nyinyi wote pale mulipo, sehemu gani munaweza kufikia bila mimi? 

Ama kulipa izo Ankara na vibarua vyote vya malipo ya kazi vinavyo lalamika kwa sauti isiyosikilika ndani ya shati  ama fulana ya mwenye nyumba. 

Kiisha mupakala rangi akawakuta wakibishana, palepale akachukua surulisho akisema, nazani inanipasa niende mapumuzikoni. 

Na alikuwa na shaka kuona nyumba ikiwa tayari imepakwa rangi wakati atakaporudi. 

Hata shujaa kati yetu ni chombo tu ndani ya mikono ya mufanyakazi. 

 

25/ Wakati tunaposoma aya ya 9, inayo hakikisha kwamba Bwana Yesu Kristo alikufa ili awe Bwana wao wenye hai na wafu, tunaweza hivi kufahamu kwa uraisi maandiko ya Waebrania 12: 2  

“Tukitazama Yesu, mwenye kuanzisha na mwenye kutimiliza imani yetu, ndiye kwa ajili ya furaha iliyowekwa mbele yake alivumilia msalaba, na kazarau haya, naye ameketi kwa mkono wa kuume wa kiti cha ufalme wa Mungu.” 

Aya hii inazungumuza juu ya furaha ya musalaba.

Furaha yenye ililetwa na misumari iliyopigiliwa katika mikono yake na miguu yake. 

Furaha ya kunyanyuliwa na kutundikwa msalabani, msalaba yenye ilikuwa kwa niaba ya wanyanganyi. 

Aliwekwa pale uchi mbele ya makusanyo ya watu wakiwa kweli wamechamuka. 

Namna gani furaha inaweza kuwa kati ya mambo haya? 

Aya hii ilikuwa ikinipa muvurugano na kunisumbuwa kweli katika kichwa changu kwa miaka mingi sana, bahati nzuri nilipata jibu katika Utabiri wa Agano la Kale. 

Isaya 53: 3 - 6  

“Amezarauliwa na kukataliwa na watu; 

Mtu wa huzuni, na mwenye kujua taabu: 

Na kama mtu ambaye watu wanamfichia nyuso zao, 

Alizarauliwa, na hatukumhesabu kuwa kitu. 

Kweli amechukuwa taabu zetu,  

Na amebeba huzuni zetu;

Lakini tulimwona akipigwa, 

Akiteswa na Mungu, na kuhuzunishwa. 

Lakini aliumizwa kwa makosa yetu, 

Alichubuka kwa maovu yetu. 

Azabu ya salama yetu ilikuwa juu yake, 

Na kwa kupigwa kwake sisi tumepona. 

Sisi sote kama kondoo tumepotea; 

Tumegeuka kila mmoja kwa njia yake mwenyewe; 

Na BWANA ameweka juu yake 

Maovu yetu sisi sote.” 

Hiyi ni Sura moja kubwa katika Biblia inayozungumuza juu ya kifo

cha KRISTO. 

 Amezarauliwa na kukataliwa na watu; 

Mtu wa huzuni, na mwenye kujua taabu: 

Kiisha Biblia inatuambia kwamba hakufungua kinywa chake, kama kondoo anayepelekwa machinjoni, pia kama kondoo anayekaa kimya mikononi mwa wao wanaonyowa manyowa yake. 

Yeye alibebwa inje ya Inchi na kuumizwa, kwa ajili ya makosa ya Izraeli, Taifa lake. 

Namna gani furaha yawezakuwa katika mambo haya? 

Isaya 53: 10  

“Hata hivi ilipendeza Bwana kumchubua, 

Amemhuzunisha. 

Wakati utakapotolea nafsi yake kuwa zabihu kwa zambi, 

Ataona uzao wake, atazidisha siku zake, 

Na mapenzi ya Bwana yatasitawi katika mkono wake.” 

Ilikuwa Mapenzi ya Baba Mungu kumchubua na kumutesa. 

Aliteswa na Mungu na kuhuzunishwa. 

Hapa tunaona Mungu Baba anatowa Mungu Mwana kwa kufa. 

Kiisha anasema kwamba: 

Wakati utakapotolea nafsi yake kuwa zabihu kwa zambi, 

Ataona uzao wake, atazidisha siku zake, 

Na mapenzi ya Bwana yatasitawi katika mkono wake. 

 Tufikili juuya neno hili “MAPENZI”, furaha. 

Mapenzi, furaha ya uchungu, mateso, ndiyo mara elfu, mapenzi ya kazi aliyotimiza. 

Ilikuwa furaha ya kujifungua mtoto. 

27/ Waroma 14: 9 

“Kwa sababu hii Kristo alikufa, na alifufuka awe Bwana wao waliokufa, nao waliohai vilevile.” 

Sasa tunafahamu hayo. 

Bwana ambae Mungu anakuwa na wivu kwake.

Ni kitu gani? Wivu ndani ya Mungu? 

Ndiyo, katika hali yake safi. 

Anapenda kuwa Bwana wetu, sababu ni Yeye anayefahamu kitu gani kilicho njema kwetu. 

Baba na mama wanaona kijana wao mwanaume anaanza pendana na musichana mwenye hastahili kwake. 

Wanatambua kwamba, akifikia kiwango cha kumuoa, musichana huyu ataharibu maisha ya huyu kijana. 

Wao wanashikwa sana na kutatizwa sana na hayo mawasiliano, wakiwa na woga ya kuona kijana wao kufanya kosa kubwa ya kuendelea na musichana huyu hadi kubarikiwa ndoa kanisani.  

Wazazi wanafanya yote iwezekanavyo ili wafahamishe kijana wao mume, hali na tabia ya musingi ya huyu musichana. 

Wanakuwa wakiumwa na kuuzunika moyoni mwao juu ya tabia ya kijana wao na hii inatuma wamusimamie na kuchunguza mwenendo wake wote. Wao wanakuwa na wivu kwake. 

Siyo kusema kama wao wanamuchukia mtoto wao, ama wanachukia musichana yule, sivyo. 

Baadaye, urafiki huo umekomeshwa, kijana anakutana sasa na musichana mwenye anayestahili kwake. 

Sasa wazazi wanapumzika na kustarehe, na wanakaribisha sasa huyo musichana kama mukwe wao. 

Ni kwa namna sawa ndio wivu wa Mungu unakuwa juu yetu. 

Mwenyezi Mungu anapenda kuwa Bwana wetu, anakuwa na wivu kwetu kwa sababu Yeye anatufahamu kweli, Anafahamu nini iliyo ya manufaa kwetu. 

Hatufahamu namna gani kuongoza maisha yetu, hatufahamu ni nini ya manufaa kwetu, lakini yeye anafahamu. 

Alituumba kwa ajili yake mwenyewe. 

 

AMEN 

N°Ref: 01/27/1980 / 529 - 1 CHRIST LORD OF ALL/ 08/11/2020 

JE UMEKWISHA KUKUTANA NA NEEMA? HAVE YOU MET GRACE?

Photo taken by B Smith from the Patio

  

 

JE UMEKWISHA KUKUTANA NA NEEMA? 

HAVE YOU MET GRACE? 

Januari 6, 1980

Pastor Henry F. KULP

 

Waroma 5: 20, 21 

“Lakini sheria iliingia, ili zambi ziwe kubwa sana; lakini pahali zambi zilipozidi, neema ilizidi zaidi sana: 

hata, kama vile zambi ilivyotawala katika kufa, hivi kwa njia ya haki neema itawale hata uzima wa milele kwa Yesu Kristo Bwana wetu.” 

Hapa kweli, tuna neno moja la muhimu sana.

Neno lile ni, neno “Neema”, inayomaanisha “vyote kwa bure pasipo malipo”. 

Lakini utunzaji huu wa neema unakuwa, kwa wengi wa watu, nguvu kufahamu, ni wachache sana wanawoishi maisha yao wakiwa chini ya neema ya Mungu. 

1/ Katika vitabu 39 ya Agano la Kale, tunakuta tu aya mbili inayozungumuza juu ya neema ya Mungu kwa wanadamu. 

Katika vitabu ine vya Injili, neno “neema”, haipatikane katika kitabu cha Matayo, ama Marko, neno neema inapatikana mara moja tu ndani ya kitabu cha Luka, mara tatu ndani ya sura ya kwanza ya kitabu cha Yoane. 

Mara mia moja makumi mawili na nane (128) katika Agano Jipya nzima, lakini Mutume Paulo, yeye mwenyewe, anatumia neno “neema”, mara mia moja na tatu (103); hii inamaanisha kwamba, inje ya Mutume Paulo, neno “neema” imetumikishwa tu mara makumi mbili na tano (25) katika Agano Jipya. 

 

2/ Eti wewe bado kutambua kwamba Vitabu vyote vilivyoandikwa na Mutume Paulo, vinaanzishwa vikitaja neno “neema”, kwa mwanzo wa kitabu,  na vinafungwa vilevile  vikitamka neno “neema”, kwa mwisho wa kitabu.

Tutizame kwanza katika kitabu maali tunaposoma maandiko yetu tunayo jifunza kwa sasa. 

Waroma 1: 7  

“kwa wote walio kwa Roma, wapenzi wa Mungu walioitwa kuwa watakatifu: 

Neema iwe kwenu na salama kutoka kwa Mungu Baba yetu, na kwa Bwana yetu Yesu Kristo.” 

Kiisha pale tuone kwamba Waroma 16: 24 inasema: 

“Neema ya Bwana wetu Yesu Kristo iwe pamoja nanyi wote. Amina.” 

Kiisha, 

1Wakorinto 1: 3 

“Neema kwenu, na salama toka Mungu Baba wetu, na kwa Bwana Yesu Kristo.” 

1Wakorinto 16: 23 

“Neema ya Bwana wetu Yesu Kristo iwe pamoja nanyi.” 

Pia tuone kwamba, 

2Wakorinto 1: 2 

“Neema iwe kwenu na salama toka Mungu Baba wetu na Bwana Yesu Kristo.”  

2Wakorinto 13: 14 

“Neema ya Bwana Yesu Kristo, na mapendo ya Mungu, na ushirika wa Roho Mutakatifu ukae pamoja nanyi wote.” 

Na vivi hivi, ni katika hali hii ndiyo Vibarua vya Mutume Paulo vinavyo kuwa. 

Hii inanishuhudia kwa kweli kwamba ni Mutume Paulo aliye Mujumbe na muhubiri wa Neema ya Mungu. Ujumbe wake wote ni neema na neema mtupu katika yote. 

3/ 1Wakorinto 15: 10 

“Lakini kwa sababu ya neema ya Mungu nimekuwa sawasawa nilivyo: 

Na neema yake niliyopewa haikuwa bure; lakini nilizidi sana kufanya kazi kupita wao wote: wala si mimi, lakini neema ya Mungu iliyokuwa pamoja nami.” 

Hapa Mutume Paulo anatuelezea nini ilitukia katika maisha yake. 

Anasema kwamba: kwa sababu ya neema ya Mungu nimekuwa sawasawa nilivyo: na neema yake niliyopewa haikuwa bure. 

Ni neema ya Mungu iliyobadirisha namna alivyokuwa akiishi, pia ni neema iliyo musukuma kufanya kazi nyingi. 

4/ Waefeso 3: 1 – 3 

“Kwa sababu hii mimi Paulo, mfungwa wa Kristo Yesu kwa ajili yenu ninyi Mataifa, 

Ikiwa mumesikia habari za uwakili ya neema ile ya Mungu niliyopewa kwa ajili yenu; 

Ya kwamba kwa ufunuo nilijulishwa siri hii, kama nilivyoandika mbele kwa maneno machache.”  

Hii ni Utunzaji wa Neema ya Mungu. 

Ni mafundisho ya Neema mtupu, neema tu. 

5/ Waroma 11: 6 

“Lakini ikiwa kwa neema yake, haiko kwa matendo tena, au neema isingekuwa neema; na ikiwa kwa matendo, haiko neema tena; au matendo yasingekuwa matendo.” 

Tunaona na kuhakikisha hapa kwamba Neema na matendo haitembee pamoja.  

Yote inayokuwa ya neema, haina matendo ndani yake. 

Ukajaribu kuongeza tu neno moja juu ya neema, hauna tena neema. 

6/ Basi niwaoneshe neno moja la muhimu sana kuhusu neema. 

2Wakorinto 8: 6 - 7  

“Hata tulionya Tito, ya kwamba kama alivyoanzisha hivi atimize ndani yenu neema hii vilevile. 

Basi kama munavyozidi katika mambo yote, kwa imani, kwa usemi, kwa elimu, kwa bidii yote na kwa mapendo yenu kwetu, basi muzidi katika neema hii vilevile.” 

Hapo Mwenyezi Mungu anasema: 

Wakati mtu anatoa toleo, ama sadaka kwa Mungu, ni kwa njia ya neema ndiyo watu wanatolea Mungu. 

Ni kusema kwambo, kinacho sukuma mtu kutowa sadaka, ni neema yake Mungu inayotenda kazi katika maisha ya mwenye kutoa na ni hii neema inayo musukuma kwa kutowa. 

Watu kwa desturi ya kimtu wanapenda tu kupokea. 

Kila saa na kila nyakati wanapenda tu wapate kitu kingine, lakini wao walio katika Yesu Kristo, wao wanakuwa na viumbe vipya, wao wanafurahia kutolea wengine, na wanapofanya hivi, tendo lile linaitwa neema. 

Ni kusema kwamba: 

Wao wanapotolea wengine, si kwamba wanangojea matukio ya kwamba nao vilevile wapewe sababu walitowa kwa wengine, ni kusema kwamba, vyote ni bure pasipo malipo. 

Lakini tena, wao wanapotelea Mungu, wanaifanya kwa kadiri ya mapato yao, kwa kufwatano na hayo wao wanauwezo ya kutolea Mwenyezi Mungu. 

Wangapi katikati yetu wanaosema kwamba tangia wakati mimi nilianza kutolea Mungu, mimi sina tena shida yoyote. 

Hiyo siyo shabaa yetu kwa kutolea Mungu. 

Tunatolea Mungu wetu kwa njia ya neema. 

7/ Waroma 5: 20 

“lakini sheria iliingia, ili zambi ziwe kubwa sana; lakini pahali zambi zilipozidi, neema ilizidi zaidi sana:” 

Sasa, hiyo inasema kwamba: 

Mahali zambi zilipozidi, neema ilizidi zaidi sana. 

Neema inayozidi. 

Neema inayozidi zaidi sana. Neema inayotiririka. 

Mutume Paulo hasemi kwamba, mahali zambi inapokomaa, ama kuzidi, neema itatolewa kwa kadiri ya uwingi wa zambi. 

Yeye anasema kama kuna kiwango cha neema kubwa zaidi, neema inayozidi zaidi sana kupita hiyo zambi zote, sababu anatumia maneno karibuni kumi katika luga ya Kigriki ili amaanishe neno kuzidi. 

8/ SABABU GANI MWENYEZI MUNGU ANAKUWA NA NEEMA KWA WANADAMU WOTE? 

Eti Biblia inatufunulia shabaa ya Neema ya Mungu? 

Kweli kweli Biblia inatufunulia mambo yale. 

Tuangalie kwanza na tukamate neno mbili kubwa ya humimu tunayoyapata katika Biblia. 

Mapendo na Neema. 

Yoane 3: 16 

“Kwa maana Mungu alivyopenda ulimwengu, hata kutoa Mwana wake wa pekee, ili kila mutu akimwamini asipotee, lakini apate uzima wa milele.” 

Tuone namna Mungu alivyopenda ulimwengu.

Nikusema, Mungu aliupenda ulimwengu kwa namna ya kuzidi, akamtoa Mwana wake wa pekee, na hapo tunafundishwa kusudi la Mapendo ya kuzidi ya Mwenyezi Mungu.  

Ni ya ngambo mbili, inasehemu mbili. 

Kwanza mtu asihaibike, asipotee na pili, mtu apate uzima wa milele.

Ni kusema kwamba faida hizo ni kwa yule anayeokolewa, lakini vilevile inakuwa tayari kwa niaba ya yule mtu bado kuokolewa. Huyu mtu asihaibike, lakini awe na uzima wa milele.  

Mtu mwenye zambi anapokuja kwa Bwana wetu Yesu Kristo, akimuamini kama Bwana na Mwokozi wake, kiisha hapo anavumbua shabaa ya Neema ya Mungu, yeye atasema moyoni mwake: 

Mwenyezi Mungu hakupenda mimi nihaibike. 

Mwenyezi Mungu anapenda mimi niwe na Uzima wa milele. 

Na Mungu alitayarisha yote sababu ya jambo lile.

Alitayarisha wokovu kwa njia ya Neema yake. 

9/ Tuchunguze sasa shabaa ya pili ya neema ya Mungu inayozidi sana. 

Waefeso 2: 8 – 10 

“Kwa maana mumeokolewa kwa neema kwa njia ya imani, wala neno hili halikutoka ndani yenu wenyewe, ni zawadi ya Mungu, 

Si kwa matendo, asiwe mtu atakayejisifu,

Maana sisi ni kazi yake, tuliumbwa katika Kristo Yesu ili tutende matendo mema Mungu aliyotengeneza mbele ili tutembee ndani yao.” 

Hapo tunasoma ya kwamba: 

Kwa maana tumeokolewa kwa neema kwa njia ya imani, kiisha tunashuka kwa aya ya kumi inayosema: 

Tuliumbwa katika Kristo Yesu ili tutende matendo mema Mungu aliyoyatengeneza mbele ili tutembee ndani yao. 

Moja ya shabaa ya neema ya Mungu, ilikuwa kwa sababu Mwenyezi Mungu apate kuokoa nafsi zetu, pia shabaa ya pili ni kwamba kiisha kuokolewa tupate kutenda matendo mema yanayoweza kumutukuza Mungu. 

Hapo, tunataka kufunua neno moja la muhimu kuusu neema ya Mungu katika wokovu.  

Hakuna mutu mwenye anapokea neema ya Mungu, nyingi sana kupita mwengine. 

Sote tumeokolewa na kiwango kimoja cha neema ndani ya Bwana wetu Yesu Kristo. 

Mwenyezi Mungu haambie huyu mtu mutenda zambi sana na mukaidi na muzalimu kwamba namna wewe ni muovu sana, itanipasa nichukuwe sehemu kubwa ya chini ya pipa ya neema ili nikutibu. 

Pia haambie mutu mwengine anayekuwa na maisha ya kawaida, kwamba, wewe unaishi kawaida tu na kwa hiyo, kwa wewe nitachukuwa tu kiwango cha kawaida ya neema ili nikutibu. 

Na pia Mwenyezi Mungu haambie huyu mutu wa tatu kwamba wewe unazamiri safi sana, unaishi maisha ya kujizuiza kweli kwa hali ya juu, hata majirani wako wanakushuhudia vema, wenzako wa kazi na marafiki wote wanakushuhudia vizuri na sasa kwa niaba yako nitakamata tu kipimo ya neema inayo ingia katika kijiko moja ama koleo ili nikutibu. 

Neema ya Mungu haijali uwe mwenye zambi wa aina ya kwanza, aina ya pili, ama aina ya tatu, na zaidi ya hayo tunavumbua kwamba Mwenyezi Mungu anapatia mwamini neema zaidi. 

Mwenyezi Mungu anatupatia sote kiwango kimoja cha neema katika wokovu wetu, lakini anatupatia neema zaidi katika maisha yetu ya kila siku, katika kazi tunazozifanya, na katika huduma zetu. 

Yakobo 4: 6  

“Lakini anatupa sisi neema nyingi zaidi; basi maandiko yanasema: Mungu anashindana na wenye kiburi, lakini anawapa neema wanyenyekevu.” 

Basi mutii Mungu, 

Yakobo anasema: anatupa sisi neema nyingi zaidi.

Kuna neema inayotufanya kutenda matendo mazuri. 

10/ Tuchunguze vema neno “matendo” yenye inatamkwa mara mbili katika maandiko ya Waefeso 2: 9 

“Si kwa matendo, asiwe mtu atakayejisifu.” 

Matendo yamelaaniwa kwani yametendwa na uwezo wa mwili, yametimizwa na mtu wa zamani akiwa na kusudi ya kulipa malipo juu ya wokovu. 

Katika Waefeso 2: 10 

“Maana sisi ni kazi yake, tuliumbwa katika Kristo Yesu ili tutende matendo mema Mungu aliyotengeneza mbele ili tutembee ndani yao.” 

Na Mungu hapo anatufunulia kwamba, matendo mema inayotukia katika maisha yetu ni moja ya shabaa ya neema inayozidi, katika wokovu wa mwenye zambi. 

11/ Tutambue kwamba  aya ya kumi (10) inasema: 

 Sisi ni kazi yake. 

Tutambue na kufahamu kwamba ni Mwenyezi Mungu njo mutenda kazi wa matendo mazuri ndani yetu kwa njia ya neema yake. 

Tendo hili ni kwa wale tu walioumbwa upya katika Kristo Yesu. 

Hatuokolewi sababu ya kuepuka uchungu na mateso ya mauti ya pili, ama jehenamu, ama kufa ya milele, lakini ili tutende matendo mema. 

Maneno haya tumeyafundishwa mara tena katika kitabu cha Tito 2: 14 

Tito 2: 14   

“ambaye alijitowa mwenyewe kwa ajili yetu atukomboe toka uovu wote, na kujisafishia watu wawe mali yake mwenyewe, wenye bidii sana katika kazi njema.” 

12/ Tuone sasa shabaa ya tatu ya neema ya Mungu inayozidi sana. 

Waefeso 3: 10  

“ili sasa, kwa njia ya kanisa, hekima ya Mungu iliyo ya namna nyingi ijulishwe na falme na mamlaka katika pahali pa mbingu;” 

Tunaweza semezana mengi sana na kwa muda murefu kuusu andiko hili, lakini kwa ufupi tuone kwamba inamaanisha nini: 

Mwenyezi Mungu katika muumbo wake wa kwanza, aliumba majeshi ya wa malaika. 

Wao ndio falme na mamlaka katika pahali pa mbingu kwa sasa. 

Kundi moja ya tatu ya ile jeshi ya wa malaika ilitomboka na kuzani kujiinua wafananishwe na Mwenyezi Mungu. 

Isaya 14: 14 

“Nitapanda juu kupita virefu vya mawingu, nitafanana na Mjuu Sana.” 

Alipenda ageuke kuwa Makerubi aliye juu kupita. 

Alipenda afikie kwa nafasi ya Bwana Yesu Kristo, na aliitafuta  kwa uwezo wake mwenyewe, kwa nguvu zake mwenyewe, lakini sasa Mwenyezi Mungu iko anawaondowa watu wenye zambi katika ulimwengu, watu wenye wako chini  sana ya malaika,  kanisa, mwili, na atawafanya kuwa kile Yeye Mwenyewa alikusudia wageuke kuwa kutoka jeshi lile lililo anguka na kutupwa chini duniani. Na siyo kwa uhuru wetu, ama kwa matendo yetu, lakini kwa utegemezi na kutegemea tu neema ya Mungu peke yake. 

Kwa kweli, yale majeshi ya malaika wenye hawakushushwa huku chini duniani, wale wamalaika waliobakia juu mbinguni wakiwa waaminifu kwa Mungu, wamalaika wale hawafahamu hata neno juu ya Neema ya Mungu, tangu kutangwazwa kwake na kuanza kutumishwa kwake,  na ni kwa sababu ile  wamalaika wanatutazama na kujifunza kwetu, na sisi tunakuwa walimu wao tukiwafundisha juu ya neema siku kwa siku. 

13/ Kwa hiyo, sababu ya tatu ya shabaa ya neema ya Mungu inayozidi sana ni kwa sababu tuoneshe wamalaika namna gani Mungu anatumika na mwanadamu kwa upekee. 

14/ Shabaa ya ine ya neema ya Mungu inayozidi sana tutaipata katika maandiko ya Waefeso 1: 23 

“lililo mwili wake, utimilifu wake anayetimiza vyote katika vyote.” 

Hii ni andiko kweli la kutushangaza sana. 

Inatumia msemwa, utimilifu ndani ya KRISTO, kweli wazo gani iko hapa? 

Mungu alimufanya KRISTO awe Kichwa cha Kanisa iliyo Mwili wake, utimilifu wake anayetimiza vyote katika vyote. 

Utimilifu wa KRISTO unamaanisha nini? 

Yeye Kristo, haiko Mungu kamili?  La!, Yeye ni MUNGU Kamili. 

Tufahamu kwamba Waefeso 1: 22, 23 

Waefeso 1: 22, 23 

“na ameweka vitu vyote chini ya miguu yake, akamweka awe Kichwa juu ya vitu vyote kwa kanisa 

Lililo Mwili wake, utimilifu wake anayetimiza vyote katika vyote.” 

Kristo ndiye Kichwa cha Mwili. 

Sisi ni viungo vya huo Mwili; na kichwa pekee bila mwili, hakitimilike. 

Kitu cha mastaajabu ni kwamba Kanisa, Mwili wa Kristo ndilo Utimilifu wa KRISTO. 

Siku moja inayokuja Mwili itakuwa pamoja na Kichwa katika Utukufu; lakini kwa leo, Mwili iko hapa duniani na Kichwa iko mbinguni. 

Ni mambo ya ajabu sana kutambua kwamba KRISTO haiko timilifu bila sisi. 

Fikili kwanza ndugu yangu, hapo kale sisi tulikuwa wenye zambi, wapotevu, tukitengwa na Mwenyezi Mungu, hatukukuwa na tumaini lolote, tukiwa tu tunastahili hukumu ya Mungu, na sasa kupitia neema yake tuliokolewa, tukageuka kuwa viungo vya Mwili wake, Mwili wa KRISTO, na hilo ni Utimilifu wa KRISTO. 

Uwajibu gani tunalo lakutupasa kutenda matendo mema sababu sisi ni kiungo cha KRISTO. 

15/ SEHEMU HII INAPATIKANA CHINI YA SHABAA YA KWANZA YA NEEMA YA MUNGU INAYOZIDI.  

Waefeso 1: 6  

“na kwa sifa ya utukufu wa neema yake ambayo alitupa sisi katika huyu Mpendwa.” 

Mwanadamu hana aja kujisifu hata kidogo. 

Ni yeye mwenyewe aliyetupatia kukubaliwa ndani ya Mpendwa. 

Kumbukeni kwamba neema inamaanisha, yote kwa bure pasipo malipo, sisi alitupatia tukubaliwe kwa mecho ya Mungu Baba kwa Neema katika Kristo Yesu. 

16/ Jameni niwape mfano kuusu maneno ninayotaka kusema: 

Munakumbuka huyo mwanamuke aliye penda kuuwa Malkia Elizabeth 1. 

Huyo mwanamuke alijivika nguo za kinaume na kujificha ndani ya chumba cha mapumuziko cha Malkia akingojea saa Malkia itajiingiza humo ili amuchomeke kisu mpaka kumuua. 

Mwanamuke huyu hakukumbuka kwamba walinzi wa Malkia wanapashwa kwanza kujitahidi kupekua chumba nzima na nafasi yote na kuhakikisha kwamba hakuna hatari yoyote, mbele ya kuruhusu Malkia kuingia ndani. 

Akiwa akijificha nyuma ya kanzu la kuoga, na mavazi marefu, walinzi walimufichua, wakamnyanganya mupanga aliokuwa nawo mikononi na wakamubeba mbele ya Malkia. 

Alipofika, alitambua kwamba hakuna tena kitu cha kufanya ni malipizi makali tu analostahili. 

Hivi akajitupa kwa magoti mbele ya Malkia na kuomboleza na kumlilia akisema: wewe kama mwanamuke, unihue razi na kunihurumia sana kwa kunipa neema kutoka kwako. 

Malkia akamwangalia vizuri tena akakamata muda wa kumutizama na kumuchunguza kwa makini sana, kiisha akumuuliza huyu mwanamuke mwenye alitaka kumuuwa, akisema: 

“kama nikakupatia neema, ahadi gani unalo niagiza utakalo fanya kwa siku za usoni?” 

Huyu mwanamuke akaangalia juu kiiasha akamjibu Malkia: 

“Neema inayokuwa na ma sharti, hiyo siyo neema, siyo neema hata kidogo.” 

Malkia akafahamu maana ya jibu ya mwanamuke huyo, kwa hiyo Malkia akamwambia: 

“Mwanamuke, wewe ni huru sasa” 

Historia inatuambia kwamba tangu siku ile Malkia Elizabrth 1, hakuwa na mtumishi mwaminifu, anayejitoa sana sawa yule mwanamuke mwenye alikuwa kwa mwanzo akijitayarisha ili aondoe uzima wa Malkia Elizabeth 1 kwa kumuua kwa upanga. 

17/ Tunafika sasa kwa shabaa ya tano ya neema ya Mungu inayozidi, tena kumbuka namba tano ndiyo namba ya neema.

   Waefeso 2: 6, 7 

“na alitufufua pamoja naye na kutukalisha pamoja naye katika pahali pa mbingu, katika Kristo Yesu; 

Hata katika nyakati za kuja aonyeshe wingi wa kupita kiasi wa neema yake kwa wema wake kwetu katika Kristo Yesu;”  

Tufahamu sana shabaa yenye iko katika aya ya nane (8) 

“kwa maana mumeokolewa kwa neema kwa njia ya imani, wala neno hili halikutoka ndani yenu wenyewe, ni zawadi ya Mungu,” 

Na unaweza kuanza kujisumbuasumbua wewe pekee na kusema iyo mambo inahusu tu wokovu. 

Kweli mumeokolewa kwa neema, kwa njia ya imani, lakini kuna mazoezi kidogo inayoombwa kwenu, hiyo ya kutambua kwamba aya hii, inaanza na neno moja fupi na ndogo, ni neno “kwa maana”. 

Kwa maana mumeokolewa kwa neema, hiyo inarudisha mafikili yetu kwa aya 6 na 7. 

Hivi basi nitawasomea aya hizo nikipima kuyatafsiri kwa ajili yenu: 

NA AKITUFUFUA PAMOJA NA KUTAKALISHA NDANI YA YESU KATIKA MAHALI PA MBINGU. 

KATIKA NYAKATI ITAKAO KUJA ATATUONESHA UTAJIRI WA MAARUFU, UTAJIRI UNAOPITA KIASI SANA, UTAJIRI WA WINGI WAKUPITA KIASI WA NEEMA YAKE KATIKA WEMA WAKE KWETU NDANI YA YESU KRISTO KWA MAANA TUMEOKOLEWA KWA NEEMA. 

18/ Wazo hapa ni kwamba mumeokolewa ili muonyeshe utajiri wa maarufu, utajiri wa kupita kiasi sana wa neema ya Mungu kwa wale wakaaji wa mbinguni. 

Siyo tu kwamba tumeokolewa kwa neema, lakini kweli, hiyo ndiyo ukomo wa wokovu wetu. Ni hiyo shabaa ya tano tena ya mwisho ya neema ya Mungu inayozidi. 

19/ Sinawofu ya kwamba katika nyakati zijazo, inawezekana iwe miaka bilioni inayokuja, tukihesabu tangu leo, wamalaika wanao angalia wewe na mimi na woga, wakishangaa na kututamani, watazungumuza wao kwa wao wakijiuliza na kusema: hawa ni wawili wa watakatifu, walikuwa ndani ya dunia katika hali ya uasi, walikuwa katika muda wa machafuko na zambi. 

Wao walikuwa watendazambi, mbali na Mungu, walikuwa adui wa Mungu, lakini Yeye aliwapenda na wao wangali bado katika hali hiyo, na Mapendo yake iliwafikia kupitia Kifo cha Bwana na Mwokozi wetu Yesu Kristo na walimuamini Yesu Kristo na kufanywa kuwa watakatifu. 

Alitimiza na kufanya haya yote kwa ajili yao. 

Na sisi tutajibu wamalaika tukiwaambia: 

Kweli mulimusujudu na kumuabudu kwa sababu anastahili kusujudiwa. 

Yeye pekee ni wa Mastaajabu sana. 

Yeye tu anajaa wingi wa Neema. 

Hakuna hata mumoja kama Yeye. 

Ndiyo maana kwenye zambi ilizidi, neema ilizidi sana.      

Amina 

N°Ref: 01/06/1980 / 526 (DOC 319) HAVE YOU MET GRACE / 07/28/2020