 |
| Photo taken from B Smith's kitchen window |
VIUMBE VYA KUUGUA
291 - THE GROANING CREATION
March 21, 1965
Pastor Henry Kulp
Waroma 8: 17 – 23
“na kama sisi tu watoto, basi tu wariti: wariti wa Mungu, na wariti pamoja na Kristo; kama tukiteswa pamoja naye, ili tutukuzwe pamoja naye vilevile.
Kwa maana nina hesabu mateso ya wakati huu wa sasa kuwa si kitu tukiyafananisha na utukufu ule utakao funuliwa kwetu.
Kwa maana viumbe vyote vinangojea kwa hamu sana ufunuo wa wana wa Mungu.
Kwa maana viumbe vyote viliwekwa chini ya ubatili; si kwa kutaka kwao, lakini kwa sababu yake ambaye aliviweka chini katika tumaini:
Kwa kuwa viumbe vyenyewe vitawekwa huru toka utumwa wa kuharibika, viingie uhuru wa utukufu wa watoto wa Mungu.
Kwa maana tunajuwa ya kuwa viumbe vyote pia vinaugua, na vinauchungu pamoja hata sasa.
Wala si hivyo tu, lakini sisi wenyewe tulio na malimbuko ya Roho, sisi vile vile tunaugua ndani ya roho zetu, tukitazamia kuwekwa kama wana, ndiyo ukombozi wa mwili wetu.”
Kumbukeni muda wa juma kazaa zilizo pita, tulizungumuza sana juu ya neno wariti pamoja na Bwana na Mwokozi wetu Yesu KRISTO.
Sisi kama Viungo vya Mwili wa Kristo, hatutapewa sehemu ya Uriti, Yeye hata ugawanya, sisi tutariti sawa sawa pamoja na Bwana wetu Yesu Kristo.
Sisi sote tutakuwa na Uriti wa namna sawa, tutariti sawa sawa na Bwana wetu Yesu Kristo.
Hii ni neno la ukweli wa utukufu.
Ni sawa vile anatuambia hapa, na hii ni kweli, sisi tutavaa utukufu.
Ni kweli, wakati watu wanatutazama tukipita katika njia za mtaa, watu hawashituki na kusema, ebu tazameni mtoto wa Mungu anayepita pale, huyo mutu anayepita pale tafakareni na kuona utukufu wa mutu huyo.
Wakati unaingia kwenye basi na kutwaa kitu na unaketi, watu hawageuki na kuanza kukukazia mecho kwa kukutazama tu wewe pekee, sababu huna tofauti na wengine watu wa desturi.
Lakini siku inakuja na siku hiyo tutariti uriti wetu na tuta vaa utukufu.
Hata mwili wetu utakuwa wa utukufu.
1/ Tukumbuke, ndani ya kitabu cha Waefeso 5, Bwana Yesu anashuhudia kwamba Yeye aliupenda Kanisa na alijitoa Mwenyewe kwa ajili ya Kanisa, na Yeye atauonesha mbele Yake kama toleo la Kanisa Tukufu.
2/ 2 Wakorinto 4: 17
“Kwa sababu mateso yetu mwepesi yaliyo kwa dakika tu, yanatufanyia utukufu wa milele unaozidi mwingi sana;”
Tunasoma hapa kwamba mateso yetu mwepesi yaliyo kwa dakika tu, yanatufanyia utukufu wa milele unaozidi mwingi sana.
Hapa tunapewa kulinganisha vitu mbili tofauti sana kupita kipimo.
Tofauti kati ya kitu chepesi sana na kuzidi mwingi sana.
Kwa sababu neno “mwingi”, inamaanisha kuwa nzito.
Majaribu ni mwepesi sana na utukufu wa milele ni nzito sana zaidi.
Tutapewa miili ya utukufu itakayoweza kuvaa na kubeba hiyo uzito wa utukufu wa milele.
Mwili wa zamani hauwezi kubeba utukufu huo.
Nikusema kwamba utukufu unakuwa na uzito kupita kiasi.
Kwa siku hizi tunajidanganya tukizani kwamba tunapitia makuu na machungu, lakini kwa kweli yote hayo ni mwepesi kabisa na haiwezi hata kulinganishwa na utukufu utakao funuliwa ndani yetu.
Tuchunguze msemwa unaosema kwamba:
Wa milele unaozidi mwingi sana.
Ebu, watambuwa mkusanyiko ya maneno mazito na makuu.
Ilikuwa vigumu kwa mwandishi kuyatamka kwa neno moja, bali kutumia mukusanyiko wa maneno ya kivumishi ama hali ya maneno mazito.
3/ Itakuwa utukufu wa milele, utukufu usioweza kuumbika.
Ni Utukufu wa Mungu Mwenyewe kutokana na UMungu wake.
Neno la mvuto sana ni neno “milele”.
Kama waubiri wengi walivyosema, sisi vilevile kwa siku zilizo pita, tulihubiri juu ya kupima kuleta maana ya neno hili milele.
Tulikamata mufano wa kila jani inaloanguka toka muti kwa wakati wa kutokea masika kuingia kipwa, na kila jani imaanishe miaka elfu moja.
Sasa tazama uwingi wa miaka kama tukichukuwa majani ya muti mumoja, tutapata uwingi wa miaka unaotubeba kwa ngambo ya umilele.
Majani ya miti elfu itatubeba miaka mara elfu katika umilele, lakini hiyo yote ni mwanzo tu wa umilele.
Kama kila nafaka ama kiasi kidogo ama punje ya muchanga ipatikanayo katika pwani njikavu za maji na viziwa vyote duniani, kila punje ya muchanga ikimaanisha miaka elfu, kiasi gani kubwa ya namba kubwa zaidi tungeliweza kupata na katika kipimo gani cha umbali wa umilele tungekuweko?
Kama katika vitanga vya mukono wako ungekamata muchanga na kuanza kuachanicha kila punje ya muchanga na mwenzio, na kila punje ikimaanisha miaka elfu moja, tizama namna gani utachukuwa muda mwingi zaidi kwa kuachanisha punje namna hivyo.
Fikiri sasa kama unaanza kuhesabu punje zote za muchanga ya pwani ya bahari kuu ya Atlantiki, kiisha bahari kuu la Pasifika, kiisha ma pwani mbalimbali za dunia, kiisha pwani ya mahali zote za jangwa duniani, na pamoja na hiyo yote, wewe ungali tu mwanzo wa umilele.
4/ Wahebrania 1: 3
“Yeye akiwa kungaa kwa utukufu wake, na chapa ya nafsi yake mwenyewe, akichukuwa vitu vyote kwa Neno la uwezo wake, akikwisha kufanya katika Yeye utakaso wa zambi zetu, aliketi mkono wa kuume wa Mwenye Ukuu;”
Hapo tuna kifungu ama sehemu ya maandiko inayokuwa ya muhimu kabisa.
Tutafananishwa sawa sawa na Bwana wetu Yesu Kristo.
Yeye atatupatia Utukufu wake. Swali, Utukufu huo utakuwa wa namna gani?
Juma ilio pita tulisoma ndani ya kitabu cha Matayo 17: 1 – 2
Matayo 17: 1 – 2
“Na nyuma ya siku sita Yesu akatwaa Petro, na Yakobo, na Yoane, ndugu yake pamoja naye, na kuwaleta juu ya mlima murefu peke yao;
Akageuzwa sura mbele yao; sura yake ikangaa kama jua, na mavazi yake yalikuwa nyeupe kama nuru.”
Kwa juma hili, ningelitamani kuchunguza ndani ya maneno haya.
Tusome katika katabu cha Waebrania 1: 3
“Yeye akiwa kungaa kwa utukufu wake, na chapa ya Nafsi yake mwenyewe, akichukuwa vitu vyote kwa Neno la uwezo wake, akikwisha kufanya katika Yeye utakaso wa zambi zetu, aliketi mkono wa kuume wa Mwenye Ukuu.”
Neno “wake” unajiweka kando, tungeliweza kuuruka na kusoma: Yeye akiwa kungaa kwa utukufu.
KRISTO ni kungaa kwa Utukufu wote.
Katika maneno yanayosemwa chini kwa kiasi katika utafsiri wa Biblia ya Scofield, neno kungaa inamaanisha mwangaza, mngao.
Sisi tunakuwa na mngao wa Utukufu ulie Bwana Yesu Kristo.
Bwana wetu Yesu Kristu ni huo Mwangaza wa Utukufu, Kungaa kunako angaza.
Bwana wetu Yesu Kristo katika maumbile yake ni Mafuriko ya Mwangaza wa Utukufu zaidi sana kupita mwangaza wa ulimwengu na mbingu zote.
Kwa kweli, utukufu unaonekana kwa njia ya mwangaza, kama vile tumeambiwa katika Matayo 17: 2, wakati Uso wa Bwana Yesu ulingaa kama jua.
5/ Ufunuo 18: 1
“Nyuma ya maneno haya niliona malaika mwengine akishuka toka mbinguni, mwenye mamlaka kubwa; dunia ikaangazwa kwa utukufu wake.”
Malaika wa Bwana aliangazia dunia nzima.
Chemchemu ya utukufu ule ni wapi?
Malaika aliupata toka Bwana wetu Yesu Kristo. Yeye aliumbwa na Bwana wetu Yesu Kristo.
Na Biblia inatuonesha kwamba malaika walionekana kwa uwingi katika mikusanyiko mikubwa. Neno hili likusaidiye uwe na sura ya utukufu ule.
Kama utukufu wa malaika mmoja unaangaza dunia nzima, je itakuweko tukijumulisha utukufu wa makusanyiko ya wamalaika wengi?
Huko mbinguni kuna ma milioni na ma elfu ya ma milioni za malaika. Jumulisha sasa utukufu unaotukia kwa muchango wa utukufu wa wamalaika wote huko mbinguni, sasa Bwana wetu Yesu Kristo anautukufu mwingi zaidi sana tena kubwa kuzidi utukufu unaoletwa na mchango wa utukufu wa wamalaika wote wanaokuwa mbinguni.
Wakati unapatikana katika uwepo wa Utukufu wa Bwana wetu Yesu Kristo, si raisi kutambua uwepo wa utukufu wa malaika sababu unamezwa na Utukufu wa Bwana wetu Yesu Kristo unaozidi zaidi sana kupita kiasi ya utukufu ya muchango wa utukufu wa malaika wote pamoja.
6/ 2Wakorinto 4: 6
“Kwa sababu ni Mungu aliyesema: Nuru itangaa toka katika giza, ndiye aliye ngaa katika mioyo yetu, atupe nuru ya elimu ya utukufu wa Mungu katika uso wa Yesu Kristo.”
Tunasoma hapa kwamba: atupe nuru ya elimu ya utukufu wa Mungu katika uso wa Yesu Kristo.
Maneno haya tunayakuta tena katika kitabu cha Matayo 17: 2
“Akageuzwa sura mbele yao; sura yake ikangaa kama jua, na mavazi yake yalikuwa meupa kama nuru.”
Sura Yake ikangaa kama jua.
Kwa kweli hakuna mutu hata mmoja anayeweza kuwa na hali hii.
Mafuta ya kupakaa ya urembo na haijali nguo gani ya bei kali haiwezi kuleta utukufu huu wa Bwana na Mwokozi wetu Yesu Kristo.
7/ 1 Petro 5: 10 hii ni sura na aya ya muhimu sana
“Na Mungu wa Neema yote ambaye aliwaita ninyi kuingia katika utukufu wake wa milele katika Kristo, mukikwisha kuteswa kwa muda kidogo, yeye mwenyewe atawatengeneza ninyi na kuwasimamisha ninyi na kuwatia ninyi nguvu.”
Ni Mwenyezi Mungu tu wa Neema anayeweza kutimiza kazi hii.
Mungu ni Mungu wa Neema anayeweza kutuita kwa Utukufu huu.
Sheria haingaliweza kufanya hivi, sheria ilituondolea na kutukosesha vyote, ilitowa hata utukufu wote.
Kumbukeni kwamba ni utukufu wa milele wenye hauta kuwa na mwisho, ni utukufu wenye hauwezi umbika.
Hapa duniani tunashindwa kufahamu utukufu huu.
Hatufahamu hata aina moja ya utukufu, kama haiko tu kujulikana, kuwa mwenye mali, kuwa mwenye hekima, sijuwe kama ninasahau kutaja moja ya utukufu wa muda wa hapa dunia unaotoweka wakati kifo inapiga mutu.
Uwo utukufu usiokuwa wa kweli, unabaki na kutoweka hapa chini duniani, lakini Utukufu tunao chunguza hapa, ni utukufu wa milele, wenye hauna mwisho.
8/ Utukufu huo, unaonekana katika miili yetu, sababu 1Wakorinto 15: 41 – 43
“Kuna utukufu mmoja wa jua, na utukufu mwengine wa mwezi, na mwengine wa nyota; kwa sababu nyota moja ina utukufu mbalimbali na nyota nyingine.
Ufufuko wa wafu ni hivi vilevile. Unapandwa katika kuoza, unafufuliwa katika kutokuoza:
Unapandwa katika haya, unafufuliwa katika utukufu: Unapandwa katika uzaifu, unafufuliwa katika uwezo.”
Hapa inasemwa kama kwa wakati wa ufufuko, mwili utakuwa wa utukufu, na maumbile yetu yote itakuwa ya utukufu.
Lakini utukufu ule utakuwa mwingi sana katika uso wetu.
Tuchunguze kwanza utukufu wa sheria, izo sheria Kumi.
2 Wakorinto 3: 7
“Lakini kama utumishi wa mauti, ulioandikwa na kukatwa katika mawe, ulikuwa na utukufu, hata wana wa Israeli hawakuweza kutazama sana uso wa Musa, kwa sababu ya utukufu wa uso wake; na utukufu huu uliondoshwa:”
Na kulikuweko utukufu wa sheria, na ule utukufu ulikuwa wa muda.
Je, utukufu huo ulikuwa ukionekana mahali gani pa mwili?
Kwenye uso wa Musa.
Wakati Musa alikuwa tayari akitoka toka uwepo wa Bwana, uso wake ulikuwa ukingaa, ulikuwa ukiangazia, lakini utukufu huo haukuwa unagawia, ulikuwa ukipambazuka kwa upesi na kutoweka kabisa.
Utukufu wenye ulikuwa katika uso wa Musa ulikuwa utukufu wenye ulikuwa unatarajia kuondoshwa mara na mara.
9/ Tuchunguze sasa kupewa kwa sheria, na namna uso wa Musa ulikuwa ukiangaa.
Wakati Musa alipokuwa akipanda kwa mlima, wazee wa wana wa Israeli walikuwa wakimusindikiza, mara mpaka kati ya njia kwa kupanda mulima, na hapo aliambia wazee wamungoje hapo, mpaka wakati atakaporudi.
Kiisha anakamata Joshua, wanapanda tena zaidi wao wawili, kiisha pia anamuambia uningojee hapa mpaka nitakaporudi.
Musa alikuwa akingojea huko juu ya mulima muda wa usiku makumi ine na muchana makumi ine.
Musa alikuwa pale muda wa siku saba mbele Mwenyezi Mungu azungumuze naye.
Musa inawezekana, alikuwa mutu mzuri wa kushangaza kweli, sababu tunaambiwa ya kwamba ni kwa siku ya saba ndiyo Mwenyezi Mungu alisumulia na Musa, na Musa alikuwa akisikiliza kwa makini na uvumilivu wote Mungu amuzungumuzie.
Kiisha Mwenyezi Mungu alimupa Musa, sheria iliyoandikwa na Mukono na Vidole vya Mungu Mwenyewe.
Wakati aliposhuka toka juu ya mulima, Joshua alikuwa akimungoja kwa nafasi alipo muacha.
Akashuka chini kidogo kwa nafasi alipoacha wazee, lakini wazee hawakuwa tena pale.
Wazee walirudi kwenye Taifa na waliuliza kitu gani ilitukia kwa Musa?
Hatujuwi, kiisha baadaye watu wakasema, hatutabakia tupu hivi, yatupasa kutafuta kitu tutakocho abudu.
Tujijengee ngombe dume ya zahabu.
Wakajijengea ngombe dume wa zahabu, na wakati Musa alishuka hadi chini ya mulima aliona eneo la tukio lile, na kumbukeni, Musa alikamata vibao vilivyo kuwa mikononi mwake na alivitupa na kuvivunja chini ya mulima.
Kweli ilikuwa kitu nzuri na bahati nzuri Musa kuachana na hiyo Amri kumi.
Kama Musa angelijaribu kushuka na hiyo Amri kumi na kuingia nayo ikiwa mikononi mwake, kuingia nayo katika Taifa la wana wa Israeli, Taifa nzima ingelijerehuliwa, ni jambo hilo tu ndilo lingelitukia, hakuna kitu mbalimbali na hilo kingeliweza kutukia.
Ilikuwa neno njema, Musa kuacha mbali hiyo Amri Kumi.
Jameni, kwa pigo tu watu 3000 wakafa.
Ni hivyo tunasoma kwamba Musa alirudia mlimani kwa mara ya pili ili aingie mbele ya uso wa Bwana.
Kutoka 33: 21 - 23 Na Mwenyezi Mungu akamuambia Musa:
“Bwana akasema: Tazama, pahali ni hapa karibu nami, na utasimama juu ya mwamba;
Na itakuwa, wakati utukufu wangu unapopita, nitakutiya pahali mwamba ulipopasuka, na nitakufunika na mkono wangu hata nitakapokuwa nimekwisha kupita; na nitaondosha mkono wangu, na utaona mgongo wangu; lakini uso wangu hautaonekana.”
Mwenyezi Mungu alimugeuzia Musa mgongo, wakati alipopanda juu ya mulima, Mungu alionesha tu mgongo wake.
Ni Baraka ya namna gani hiyo, wakati Mungu anapogeuzia Taifa mgongo?
Tiyari watu 3000 wamekufa, utukufu gani unaweza kuwa katika hali hilo mbovu?
Mimi ninafurahi sababu mimi siko chini ya sheria, lakini mimi ni chini ya Neema.
Wakati Musa alishuka tena toka mlima, kwa mara ya pili, uso wake ulikuwa wenye kungaa.
Kutoka 34: 29
“Na ilikuwa wakati Musa aliposhuka katika mlima Sinai pamoja na mbao hizi mbili za ushuhuda mkononi mwa Musa, wakati aliposhuka toka mlima, Musa hakujua ya kuwa ngozi ya uso wake ilingaa kwa sababu amesema naye.”
Wakati alipofika mbele ya wana wa Israeli, uso wa Musa ulikuwa unangaa, na watu waliogopa.
Watu wengi walikuwa wanazania kwamba shela yenye Musa alikuwa anatia kwa uso wake ilikuwa sababu afunike utukufu, ilia pate kuzungumuza na Taifa la wana wa Israeli. Hiyo siyo kweli.
Musa alizungumuza nao wakati uso wake ulikuwa bado ukingaa.
Musa aliwaita wamukaribie,
Tuangalie aya ya 30 inasema nini:
“Na wakati Haruni na wana wote wa Israeli walipoona Musa, tazama, ngozi ya uso wake ilingaa; wakaogopa kumukaribia.”
Wakaogopa kumukaribia, kiisha Musa akawaita wamukaribie, na siyo kwa wakati ule njo aliweka shela penye uso wake.
Aliwaita na akazungumuza nao wakati uso wake ulikuwa wenge kungaa.
Watu wengi wanazani kwamba Musa alikuwa anajifunika uso ili watu wamukaribie ili azungumuze nao, lakini yeye hakufanya hivyo.
Yeye aliwaita, akawakaribisha karibu yake na hapo hakuwa anavaa shela kwa uso.
Tuangalie sasa aya ya 33.
“Na wakati Musa alipomaliza kusema nao, akatia shela juu ya uso wake.”
Hivi tunasoma namna hii:
Na wakati Musa alipomaliza kusema nao, akatia shela juu ya uso wake.
Tuangalie sasa aya ya 34.
“Lakini wakati Musa alipoingia mbele ya Bwana kusema naye, akaondosha shela mpaka atoke; akatoka, akasema na wana wa Israeli maneno aliyoagizwa;”
Na wakati Musa alipoingia mbele ya Bwana kusema naye, alikua akiondosha shela.
Nikusema ya kwamba wakati alikuwa katikati ya wana wa Israeli, alikuwa akivaa hiyo shela mpaka wakati ataenda kwa hekalu mbele ya uso wa Mungu.
Alikuwa akiondosha shela hilo ili apokee kungaa kwengine mupya, sababu ile kungaa kwa kwanza kulififia na kuondoshwa.
Musa alikuwa akivaa shela ili wana wa Israeli wasitambue kwamba kungaa kwa uso wake kulikuwa kukififia polepole mpaka kufika kuondoshwa kabisa. Yeye hakupenda wana wa Israeli watambue hiyo.
Na wakati alikuwa akienda mbele ya uso wa Bwana, kwenye uwepo wa Bwana, alikuwa akiondoa hilo shela ili Bwana amupe kungaa kupya kwenye uso wake. Na hapo alirudi tena kwa taifa la Israeli mwenye uso wa kungaa mara tena.
Wana wa Israeli hawakuwa wanatambua kama ni hiyo hiyo kungaa, ama hapana.
Lakini yaliyo kweli ni kwamba, alipata kungaa kwengine kupya.
Na hapo, alikuja sasa kuzungumuza na wana wa Israeli na wakati alipomaliza kuzungumuza alirudisha tena shela hilo kwenye uso wake ili wana wa Israeli wasitambue kwamba kungaa kwa uso wa Musa kulikuwa kunafifia.
Tuone kwamba katika kitabu cha 2 Wakorinto 3: 13
“Si kama Musa alivyotia kitambaa juu ya uso wake, kusudi wana wa Israeli wasitazame sana mwisho wa ule uliondoshwa:”
Mwisho, ulioondoshwa.
Hii ndiyo sababu alitia kitambaa ama shela usoni mwake, ili wana wa Israeli wasitambue mwisho ama kuchakaa kwa kitu kilichoondoshwa.
10/ Tusome sasa katika Waebrania 1: 3
“Yeye akiwa kungaa kwa utukufu wake, na chapa ya nafsi yake mwenyewe, akichukua vitu vyote kwa Neno la uwezo wake, akikwisha kufanya katika yeye utakaso wa zambi zetu, aliketi mkono wa kuume wa Mwenye Ukuu;”
11/ Ufunuo 18: 1
“Nyuma ya maneno haya niliona malaika mwengine akishuka toka mbinguni, mwenye mamlaka kubwa; dunia ikaangazwa kwa utukufu wake.”
12/ 2 Wakorinto 4: 6
“Kwa sababu ni Mungu aliyesema: Nuru itangaa toka katika giza, ndiye aliye ngaa katika mioyo yetu, atupe nuru ya elimu ya utukufu wa Mungu katika uso wa Yesu Kristo.”
Tutambue kwamba utukufu wa Mungu katika Yesu Kristo, unaonekana zaidi katika uso, kwa kweli ni mwili wake mzima unaojaa utukufu.
Tupambanishe 2 Wakorinto 4: 6 na 2 Wakorinto 3: 13
2 Wakorinto 3: 13
“Si kama Musa alivyotia kitambaa juu ya uso wake, kusudi wana wa Israeli wasitazame sana mwisho wa ule ulioondoshwa;”
Uso wa Musa, Uso wa Yesu Kristo.
Utukufu uliokuwa kwenye uso wa Musa ulikuwa kwa muda tu, kinyume na Utukufu ulio kwenye Uso wa Bwana wetu Yesu Kristo, ni Utukufu wa milele.
Kwa siku moja ijayo, hiyo utukufu Utakuwa wetu.
Nyuso zetu zitaangaa na Utukufu ulio katika Kristo Yesu, sawa vile Uso wake uliangaa zaidi kupita mwangaza wa jua ya mchana kati.
Ni namna hiyo ndiyo nyuso zetu zitaangaa na mwili wetu mzima utakuwa wa Utukufu.
13/ 2 Wakorinto 3: 18
“Lakini sisi sote kwa uso usiotiwa kitambaa, tukitazama sana utukufu wa Bwana, kama katika kioo, tunabadilishwa tufanane na mfano ule toka utukufu, kama vile utukufu unaotoka kwa Bwana, aliye Roho.”
Jambo moja ya kweli ni kwamba siku moja tutakuwa wenyeji wa hiyo Utukufu. Sasa, je kwa siku za leo?
Tunapashwa kuishi, kuwa na mwenendo na kutafakari huo Utukufu wa Mungu.
Kwa kweli kujitokeza na kuonekana kwa huo utukufu ungali zaifu sababu bado hatuja vaa ule mwili wa ufufuko.
Tunapashwa kutazama kwa juhudi yote Mwokozi wetu Yesu Kristo hadi tutakaposhika Utukufu ule.
Haina gani ya ukubwa na upana juu na chini wa huo Utukufu tunayo pata katika hii sura na aya?
Ni toka utukufu hata utukufu.
Neno “tukitazama” inaweza kujitafsiri sawa tukionyesha na kutafakari.
Neno “kama katika kioo” inatuvuta tuangalie mafaa ya kioo.
Wakati umejiangalia na kutazama katika kioo, utajiona wewe mwenyewe.
Hauta muona Mwokozi Yesu Kristo unapoangalia katika kioo.
Maandiko inatuambia tufanane na mfano ule.
Wakati unaangalia katika kioo utajiona huko, lakini sote hatupendi kujiona huko, sisi sote tunazidi kuona tu jirani na wandugu wetu wengine.
Basi sura na haya hii inajitafsiri kama ifwatavyo:
Tufanane, kama katika kioo, Utukufu wa Bwana Yesu Kristo.
Chukua mfano wa kijana mwanaume mdogo anaye kuwa na kipande ya kioo mkononi mwake na anaongoza mwangaza wa mishale ya jua katika macho yako. Hiyo ni tafakari tu ya mishale ya jua.
Na kwa kweli ni hivyo aya hii inapenda kutuambia.
Wakati kipande hiki cha kioo kinageuzwa upande mwengine, maneno yote yanarudi sambamba kama desturi.
Hiyo kioo haikumeza uwo utukufu, uliutafakari tu na kuuelekeza upande mwengine.
Tunapashwa kukaza kutazama tu Bwana wetu Yesu Kristo ili tuoneshe na kutafakari Utukufu wake na ni hii tunaombwa katika kitabu cha Waebrania 12: 2
“Tukitazama Yesu, mwenye kuanzisha na mwenye kutimiliza Imani yetu, ndiye kwa ajili ya furaha iliyowekwa mbele yake alivumilia msalaba, na kazarau haya, naye ameketi kwa mkono wa kuume wa kiti cha ufalme cha Mungu.”
Wakati tuna tazama Bwana Yesu, ndipo pale tuna angaza utukufu wake.
Tunaombwa tuwe kioo inayoonesha utukufu wa Bwana Wetu Yesu Kristo.
Kwa siku zijazo za usoni, sisi hatutaendelea kuwa kioo inayo onesha na kutangaza utukufu wa Bwana wetu Yesu Kristo, lakini sisi vilevile tutapata huo Utukufu.
AMEN
N°Ref: 03/21/1965 / 291 - THE GROANING CREATION / June 17, 2020
No comments:
Post a Comment